ابوذيات ام بيلسان

[ام بــﯧْــڵــڛــان]

جفن عيني مايغمض ابد وينام
الحزن يفرش بنص الكلب وينام
الفاكد ولف هم يرتاح وينام
لو يمضي العمر سهرات واذيه.​

 

ماردت القدر يبعدني عنك يوم الله يرحمك ياعمي

همسات قلب جريح

[ام بــﯧْــڵــڛــان]

يحرك بيه يصاحب مني نارك
جنت ظلمه وحضرتي مني نارك
وتكلي بكل وكاحه مني نارك
وناري منين يل بس انت بيه

 

[ام بــﯧْــڵــڛــان]

روحي تكول عدله ما ني ميته
وعجب زرع الزرعته ما نميته
وهذا الليل كله ما نميته
فراك وحرمو وصلك عليه

 

[ام بــﯧْــڵــڛــان]

حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه

 

[ام بــﯧْــڵــڛــان]

اذوبن شمعه واتامل تمر مر
عزيز الكلب بفراكك تمرمر
اسالك هم ضكت مرة تمر مر
وانه البرحي انكلب حنضل عليه

 

[ام بــﯧْــڵــڛــان]

سجاجينك بوسط حشاي يعمن
وعيوني من البواجي عليك يعمن
شلش لعليوي من كال يعمن
عليوي حلو بس بيه الاذية

 

[ام بــﯧْــڵــڛــان]

سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه

 

[ام بــﯧْــڵــڛــان]

الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه

 

[ام بــﯧْــڵــڛــان]

صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فضله

 

[كراميلا ❥]

جميل ورائع