• منتديات شباب الرافدين .. تجمع عراقي يقدم محتوى مميز لجميع طلبة وشباب العراق .. لذا ندعوكم للانضمام الى اسرتنا والمشاركة والدعم وتبادل الافكار والرؤى والمعلومات. فأهلاَ وسهلاَ بكم.
ام بــﯧْــڵــڛــان

ابوذيات ام بيلسان

ام بــﯧْــڵــڛــان

من أهلنا
السمعة: 100%
النقاط 117
الحلول 0
إنضم
2020-01-10
المشاركات
2,242
مستوى التفاعل
1,292
النقاط
117
الإقامة
البيت
ام بــﯧْــڵــڛــان
يحرك بيه يصاحب مني نارك
جنت ظلمه وحضرتي مني نارك
وتكلي بكل وكاحه مني نارك
وناري منين يل بس انت بيه
 
روحي تكول عدله ما ني ميته
وعجب زرع الزرعته ما نميته
وهذا الليل كله ما نميته
فراك وحرمو وصلك عليه
 
حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه
 
اذوبن شمعه واتامل تمر مر
عزيز الكلب بفراكك تمرمر
اسالك هم ضكت مرة تمر مر
وانه البرحي انكلب حنضل عليه
 
سجاجينك بوسط حشاي يعمن
وعيوني من البواجي عليك يعمن
شلش لعليوي من كال يعمن
عليوي حلو بس بيه الاذية
 
سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه
 
الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه
 
صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فضله
 
عودة
أعلى أسفل