لاتجينا .. جان قلت بوجه الابيض ..
غير معشركم لقينا
جينا مشتاقين .. وبلهفة ..
وتسد بابك علينا
جينا يدفعنا الهوى ..
ودمعاتنا تقوطر بيدينا
وچنت اظن عندك وفى ..
وروحينا من فرد طينة
غمّقِت جرح الجفى ..
وزدت القلب ونه لونينه
اعتب على الروح ..
چي لنها على ريحتكم حنينة
واعتب على الشوق ..
والعِشرة اوسوالفها الحزينة
علمتني شلون يتبرى .. الخوي ..
اوحمل اليِقَع محد يعينه
عفية صحبة هالوكت ..
بيها اليجافي .. اشوكح عينه ..
و لاتجينا .. !!
- ما اجيكم ..
واليدق بابك بعد تنشل يمينه
و جينه ..
مدري الجدم زل بينه على دربك .
لو عمينا ؟
وجيت ارد روحي .. البقت سنتين
بديارك رهينه
وچني ضيف ! و عادة الينضاف ..
للخطار .. يرخص ماي عينه
وانته .. ماچنك ربيت بماينا ..
و شارب حنانه
وانكرت حتى العرِف ..
يوم الوكت .. .. بيدك رماا
عفيه قلبك هلبت بساعة .. وفى
ببالك طرانه
و جينا نشكيلك .. عذابجروحنا
ولوعة هوانا
آخ .. يا دمعك فلا يبطل .. يهل ..
لمن عمانا
يا عفى قلوب التشيل .. الظيم
وشنحمل عِفانا
و حتى اعز الناس من طحنا ..
بهظم جاروا علينا
و من وصلنا لدارهم قالو شجابك !
لا تجينا
عفيه صحبة هالوكت بيها اليجافي
اشوكِح عينه !