أركض برجلك هذا مغتسل بارد وشراب .. الشاعر احسان ثجيل الجوراني

[Gardi]

الشاعر احسان ثجيل الجوراني ... شعر خاص لمنتدى شباب الرافدين

أركض برجلك هذا مغتسل بارد وشراب


من أوراقي المبعثرة...


منين اجيب الماي واغسل بيه روحي


واغفه من كد ما بجيت..


واطوي .حزني الماكل من جروف عمري


وضاع حلمي ولا شكيت. ..


منين اجيب ايوب. ..ويدليني مايه


ويحي بيه إنسان ميت....


خلص صبري وصوفرن وركات عمري


ونار تحرك بيه زيت.....


من حزن يعكوب حزني وباني بالدلال


بيت ابصفه بيت....ابصفه بيت


مدري ليش الوحشه ظلمه والدرب كلش بعيد


ولا ضوه الشوفي لكيت....


الدنيه غبره. .مسودنه ..وعشناها كوه


بالتمني ....وعسى.... وليت


وخلصن سنين الورد ..والعطر مات ............ومالكيت .العمري مرسه ...وايسيت..








الشاعر احسان ثجيل الجوراني

 

حكاية صغيرة – الشاعر علي السالم

قصيدة الفتنة . وقصيدة غصون الروح الشاعر علي السالم

[عالم التقنية]

شكرا على النقل المميز ست
تحية لشاعرنا

 

[سليم البصري]

منور الشاعر
والمديرة
ماشاء الله عليج مديرتنا كل مشاركاتك ثجيلة
تعبتينا لكن كلو يهون من اجل هالمنتدى الكيوت​

 

[زهرة العمر]

شكرا عزيزتي

 

[Gardi]

منور الشاعر
والمديرة
ماشاء الله عليج مديرتنا كل مشاركاتك ثجيلة
تعبتينا لكن كلو يهون من اجل هالمنتدى الكيوت​

فدوة الكلبك عمو
دادور حصري وداعتك . تحية تقدير ل علي الشمري صديقنا زودنا بهذا الشعر الحصري للشاعر احسان ثجيل الجوراني

ترقبوا الجايات

 

[Gardi]

شكرا عزيزتي

حبيبتي

 

[ضياء الصافي]

الله