منقول عزيز عسكر ( هذا انه)

[Gardi]

عزيز عسكر





( هذا انه)


مدري المن حذوني شراع يل خصرك تعدى الشيب..


بين الروج والغافين شمس الله ويه وجهي تغيب..


غاد من العمر تابوت صوته يجيسني من ارتاح


ماتدري المناير بيك من كل كمره اشوفك جاي..


لكيت الدم رسايل غافيه بكل بيت وانت


ويه الكلايد ذيج شفتك ماي..


ياسجه التبات وياي بيها انت..


ياغيمه اعله وجه الكاع تتبدى حزنها انت..


افز من ياتعب والكاك ماخذني العباة الخوف صوت يريد..


دلني الفخاتي وياك وندليت حزني منين


بس ماوجدت شيريد..


اليشرب من رفيض الناس يتكسر بعينه الماي


انه بيا ضوى متانيك حسبة حيل..


بثيابك عبر ياغيم وانت بصف سمار الروح عديت الكناطر بيض هاك الطيف والباكو سواجيه التهو باليل..


ركضت منين ما بالدنيا يفتك باب





بس ماجستك ورديت يم روحي شكثر تعباااان


وجهي شلون مايندار يلكه لحزنك مرايااات


ﻻكي الدفو موادع ريح واطلع من كفاه بردان


ولصابيعك بخلكي شموع لوسافر ضواك وياي تشربني صبر سفان


شفتني وياك مزنه تناطر بنادم ورى ضنوني


وطحت كاع بسماك بغير ماتدري لحد مافززك لوني


هذا انه


وهذاك انته شتلت حجايتي بعمرك


وﻻكضيت بس ياااحيف


اشم طول السنابل سالفه بروحي


وارد منك غريب وياي واكسر خاطر عيوني





وين ادري الجدايل لوعرض بعيونها النسيان تضحك للعطش شلال





يلي منين ماغنوك اصابيعي تفز خيال


يا اخر سالفه بعين الفلح للكاع باكو من خيالي سنين


من تاهو طريج الله انه الرديتهم للطين


وهذااا انه





بعدني انسان


جواز لكل غريب يريد بيه يسافر لروحه


وهذا انه


شمس وفياي للما سولف جروحه

 

منقول  هاشم الخزاعي هذا الدم

منقول  قصيدة للجبل كاظم أسماعيل الكاطع

[سليم البصري]

كالعادة ابداع رائع وطرح يستحق المتابعة شكراً لكم بانتظار الجديد القادم دمتم بكل خير​

 

[هدير الامواج]

كلمات رائعه

 

[Gardi]

منورين ياهلا