منقول لهسه صواب زعلك حار بينه … وطبيب الطيب السل حار بينه

[غزل..ᥫ᭡]

لهسه صواب زعلك حار بينه


وطبيب الطيب السل حار بينه


عفتنة واحنه لأجلك حاربينه


اهلنه ولاگلت فشلة وخطية ..


وبجتف مخلوع وانت طارحتني


امس وايدك بسدية طارحتني


يريت امي بشهرها طارحتني


ولا اعيش واشوفك خنت بية ..


وشعلامك زمزم عيونك يريته


بوكت بي يبجي المزعل يريته


بجيت وكلبي من عرجة يريته


وشطت شوطة يتيمة بمغربية ..


اما ناوي تبطل الزعل ياهيل


ترف ياعود عنبر مسج ياهيل


وعلي من جنت بالكاروك ياهل


وانه مناغاك يلعب لعب بية ..


صدى صوتك يدك بالراس ويران


بعقلي وكلبي من فركاك ويران


حرب صدام ثمن سنين وايران


رضت وانت على زعلك ذاك بية ..


ترة عيونك دوة لخلكي وانومي


شحيح وطيفك يغرب وانومي


هنا يالأمك لاهية بشعرك وانه امي


كل ليلة بضريح تبات بية ..


واجة يطكني واخوتة حاجبينة


واسمعة يكول مالك حاجة بينة


خزرني وسيف صارن حاجبينة


وصرت مثل الصنم من هد عليه ..

 

منقول  ما يِمشن عَلي ... مشّيتهن مجبور … المرحوم الشاعر سمير صبيح🖤 ..