وصفة البقلاوة الناجحة

[Daleen]

وصفة البقلاوة الناجحة وبدون الة توريق
جربوها وردولي لخبر
الوصفة مكتوبة لاصحاب النت الضعيف
ولي حبت اتشوف فيديو تدخل لقناتي
وصفات وتدابير سامو
الوصفة :
4 كيلات فىرينة
كيلة سمن ذايبة وباردة
مغيرفة صغيرة ملح مغربلة
حبة بيض
ونطم لعجينة بخليط ماء الزهر والماء
نعجنها شوية قيس ماتتلايم
ونخليها تريح ساعة
نشكل 12كرة من العجين
ونفتحهم شوية برك ونرشهم بالمايزينة
ونحط ستة فوق بعضاهم ونكمل نحلهم
للتوضيح على طريقة ام وليد
امبعد نعاود نورقهم ورقة بورقة ونخدم البقلاوة بالطريقة التقليدية لي موالفين
نحطو طبقة بطبقة وندهنو بخليط تاع السمن ومارغارين
الحشو
3كيلات كاوكاو
نصف كاس جلجلان يعطيها ذوق رائع
كيلة غير ربع سكر
قرفة
ونرش الخليط بماء الزهر كيما يفتلو طعام
من الافضل هاذ العملية ديروها قبل ماتشمخو لعجين باش يذوب السكر مليح
كي تكملو تخدمو البقلاوة تاعكم خلوها تريح افضل قبل ماتطيبوها باش تحافظ على الشكل تاعها
ملاحظة:
الطبقة لي تحطو فوقها الحشو ماتدهنوهاش بالسمن. منقولة لي الامانة

 

[Ibn AliraQ]

شكرا جزيلا [BGCOLOR=rgb(44, 130, 201)]دالين [/BGCOLOR]على مشاركة المعلومات
بانتظار المزيد من الابداع دوما ..
تحيتي

​

 

[غزل]

"

إنُتقِآءَ يُعآنِقَ السُمآءَ تُميزِاً’..
طُرحَ رآُقيَ كـ رُقيَكّ’,.
دُمتَِ نهُِراً جُآرفَاً يُروُينَآ بُروآئَعكّ’,,
جُوْريهَ لَقلبكْ ورَوحْكَ ..٠🌹🦋