النقاط
118
الحلول
0
- إنضم
- 2021-10-11
- المشاركات
- 54,449
- مستوى التفاعل
- 19,098
- النقاط
- 118
- الإقامة
- مختبئه خلف الغيمات
مليون ايتابع مليون
يلشاغلهم فيض انوارك وصلت يلكاظم زوارك
مليون يتابع مليون
★★★★★
لابرد ولاصيف ابهاي
ميعَطَّل درب المشاي
متحمل كل صعبه وجاي
لجل عيونك يامولاي
حبك يامولاي الغاية. وماتوگف هاي المشايه
مليون ايتابع مليون
★★★★★
لجلك زوار وخدام
عام ايمر أكثر من عام
يامن ذليت الظلَّام
ويارافع شان الاسلام
مبتشره الجنه على اعتابك ومتعنيه الزوار البابك
مليون ايتابع مليون
★★★★★
هاي املاك الباري اشهود
الزوارك يابحر الجود
حبك من حب المعبود
لامعدود ولامحدود
هاي انصارك بسم الباري تعنت مثل السيل الجاري
مليون ايتابع مليون
★★★★★
زوارك متعَنيَّه اليوم
لاشافوا راحه ولانوم
كلها اتنادي يامظلوم
وتنحب علچبد المسموم
مهظومين وجينه البابك نعزي الحجة بيوم مصابك
مليون ايتابع مليون
★★★★★
بمصابك تمشي الوِفَّاد
تگصد هليوم البغداد
يبن الاطهار الامجاد
بصبرك ذليت الْجَلَّاد
وسفه السم امغَيَّر الوانك يمغرگ الوادم بأحسانك
مليون ايتابع مليون
★★★★★
حبك هيبه ورفعة راس
يامن ذليت. الارجاس
يلمرهب مثل العباس
تمشي لجلك هاي الناس
لجلك مگصدها ومسعاها. واشواگ الحب تمشي وياها
مليون ايتابع مليون
الشاعر حسن لعيبي الحريشاوي
