[BGCOLOR=rgb(200, 253, 154)]1)-زبدة / زيت : *[/BGCOLOR] [BGCOLOR=rgb(249, 231, 159)]يجب احترام المقادير :[/BGCOLOR]
[BGCOLOR=rgb(249, 231, 159)]الكيلة لي فيها :[/BGCOLOR] 250 غ زبدة تحتاج :125 غ سكر + صفار بيضة +بيضةكاملة + نصف باكي خميرة+ فاني+ فرينة .
[BGCOLOR=rgb(249, 231, 159)]الكيلة لي فيها :[/BGCOLOR] 500 غ زبدة ، تحتاج : 250غ سكر + 2-3 صفار + 2 بيضة كاملة+ باكي خميرة+ فرينة. ◾️عجينة الصابلي عندها مقادير مضبوطة[BGCOLOR=rgb(249, 231, 159)] حيث :[/BGCOLOR]
*كمية المرغرين تكون نصف كمية الفرينة و كمية السكر هي نص كمية المرغرين.
يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير تقريبية وعمومية
ممكن تزيدي و لا تنقصي شوية الفرينة على حساب واش تاكلك العجينة بصح هذا هو المبدأ تاع الصابلي
2[BGCOLOR=rgb(200, 253, 154)])- البيض🥚...[/BGCOLOR]في القاطو صفار البيض يهشش العجينة و البياض ييبسها
علي هذا و اذا حبيتي يجيك هشيش بزاف استعملي صفار البيض باش اطمي لعجينة احسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كاملين... ديري 2 صفار و حبة كاملة... او تستغناي علا البياض نهائيا
[BGCOLOR=rgb(200, 253, 154)]3)- المايزينة....[/BGCOLOR] تقدري أتلمي العجينة بالفرينة وحدها و تجي مليحة بصح كي تزيديلها شوية مايزينة تجي هشيشة بزاف... يعني اذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق انا مرات نديرو بالفرينة وحدها و مرات نزيدلها مايزينة يعني القوام أللي يتبدل برك
[BGCOLOR=rgb(200, 253, 154)]4)- الزيت...[/BGCOLOR]. حنونة اذا زدتي شوية زيت رح يجيك الصابلي محمر، بحيث:
الكيلة تاع 500 غ زبدة ضيفي في العجينة نص كأس زيت.
الكيلة تاع 250 غ زبدة ضيفي في العجينة 2 مغارف زيت.
[BGCOLOR=rgb(200, 253, 154)]5)- السكر..[/BGCOLOR] حبيبتي استعملي السكر الرطب ڨلاصي أحسن وافضل , لان السكر العادي يبس العجينة
.
[BGCOLOR=rgb(200, 253, 154)]6)- الاضافات: 🍫🍯[/BGCOLOR]
نضيف في صابلي تاعي وش نحب:
زبيب مفور، حلقوم مقطع صغير، كاوكاو ، جلجلان، مكسرات علا العموم،بودرة كاكاو وملونات غذائية، قهوة ، نيسكافيه، شامية ، عسل....الخ
