في رثاء شاعر الوطن الكبير عادل محسن رحمه الله
كون يمّك
ـــــــــــ
راح عادل والشعر كلش حزين
والقوافي من الدمع تبچي وتنوح
وراح عادلنه العذب يا حيف راح
ياهو بعدك بالغزل يحچي ويبوح
عشگك ( لسلّامه ) چن ليلى وي قیس
بيها كومه أسرار مدفونه الجروح
چنتوْ من تحچون تبچون بدمــوع
والدمع ميريد تفسير أووضوح
يا ( حبيبي لخاطرك) هاليوم اجيت
وعلى متنك شايل اشكال الطروح
وهسه چن ( ام نور ) نسمعها تصيح
حطني وي ( عادل ) يربي بفرد لوح
( آني اشتاکیت ) گالت للعزيـــز
( كون يمّك ) ما اريدنك تروح
#الشاعر_كاظم_آل_وحيد_العنزي
