انه بالدم اشتريتك ما أبيعك
وانه عبدك وافتخر لمن أطيعك
فتّحت زهرة حياتي أبظل ربيعك
من ضلالاتي أنجدتني اشكر صنيعك
بالعمر لو بقت لحضه بيها أخدمك .. ولو يطول العمر كله تحت جدمك
والله إلك كل شي يهون .. جون من تطلب أكون
إلك يابو أليمه صرت ابن ألرياحي
**************
من حبيب الكوكب الزاخر خذتها
قصة إيثار ومبادئ وعرفتها
من اجيتك روحي بيميني شلتها
صحت إلك يحسين أخذها انه أنذرتها
صرت أوصيها مثل أحداث عاشور .. مسلم أيوصي حبيب أبگلب مكسور
يبن ظاهر لا تخون .. جون من تطلب أكون
إلك يابو أليمه صرت ابن ألرياحي
**************
عيني لأنصارك سمه وكل دمعه نجمه
ولو وگع عالثرى واحد عيني تعمه
يا عمر بعدك زهير أيضل يهمه
لو رحل نورك تصير الدنية ظلمه
والغلام التركي من طلگ حياته .. فاز دنيه وأخره وما خسر ذاته
نجمه بأحداق العيون .. جون من تطلب أكون
إلك يابو أليمه صرت ابن ألرياحي
**************
چني حر لمن اجيتك علم رافع
اطلب التوبة وإذن ارجع أدافع
والله لو نبله أصير أبقوس نافع
عن خصومك ما أظن يمنعني مانع
عنك وعن الحرم أصبح محامي .. دونك حسين أنذبح هذا وسامي
چن عسل طعم المنون .. جون من تطلب أكون
إلك يابو أليمه صرت ابن ألرياحي
**************
انه لجلك چن سعيد أتركت أهلي
أوگف اگبالك لون بألطف تصلي
يا بلاء الحسن بالمعركة ابلي
وامنع السهم الثقب صدرك لعلي
صدري فدوه ألصدرك وگلبي فداك .. لا تردني يابو الأكبر أخذه هاك
يا وفي وگلبك حنون .. جون من تطلب أكون
إلك يابو أليمه صرت ابن ألرياحي
**************
صالة أسباع ألفله ممتطيه الحتوف
ماجت الهيجه بأهلها وصار الخسوف
انجلت غبرة حرب لن عينك تشوف
من دمه أنصارك تخضب وجه الطفوف
ألدنيه ما شهدت ابد لأنصارك أقران .. كل شخص آيه وجمعهم سور قرأن
سابقون السابقون .. جون من تطلب أكون
إلك يابو أليمه صرت ابن ألرياحي
وانه عبدك وافتخر لمن أطيعك
فتّحت زهرة حياتي أبظل ربيعك
من ضلالاتي أنجدتني اشكر صنيعك
بالعمر لو بقت لحضه بيها أخدمك .. ولو يطول العمر كله تحت جدمك
والله إلك كل شي يهون .. جون من تطلب أكون
إلك يابو أليمه صرت ابن ألرياحي
**************
من حبيب الكوكب الزاخر خذتها
قصة إيثار ومبادئ وعرفتها
من اجيتك روحي بيميني شلتها
صحت إلك يحسين أخذها انه أنذرتها
صرت أوصيها مثل أحداث عاشور .. مسلم أيوصي حبيب أبگلب مكسور
يبن ظاهر لا تخون .. جون من تطلب أكون
إلك يابو أليمه صرت ابن ألرياحي
**************
عيني لأنصارك سمه وكل دمعه نجمه
ولو وگع عالثرى واحد عيني تعمه
يا عمر بعدك زهير أيضل يهمه
لو رحل نورك تصير الدنية ظلمه
والغلام التركي من طلگ حياته .. فاز دنيه وأخره وما خسر ذاته
نجمه بأحداق العيون .. جون من تطلب أكون
إلك يابو أليمه صرت ابن ألرياحي
**************
چني حر لمن اجيتك علم رافع
اطلب التوبة وإذن ارجع أدافع
والله لو نبله أصير أبقوس نافع
عن خصومك ما أظن يمنعني مانع
عنك وعن الحرم أصبح محامي .. دونك حسين أنذبح هذا وسامي
چن عسل طعم المنون .. جون من تطلب أكون
إلك يابو أليمه صرت ابن ألرياحي
**************
انه لجلك چن سعيد أتركت أهلي
أوگف اگبالك لون بألطف تصلي
يا بلاء الحسن بالمعركة ابلي
وامنع السهم الثقب صدرك لعلي
صدري فدوه ألصدرك وگلبي فداك .. لا تردني يابو الأكبر أخذه هاك
يا وفي وگلبك حنون .. جون من تطلب أكون
إلك يابو أليمه صرت ابن ألرياحي
**************
صالة أسباع ألفله ممتطيه الحتوف
ماجت الهيجه بأهلها وصار الخسوف
انجلت غبرة حرب لن عينك تشوف
من دمه أنصارك تخضب وجه الطفوف
ألدنيه ما شهدت ابد لأنصارك أقران .. كل شخص آيه وجمعهم سور قرأن
سابقون السابقون .. جون من تطلب أكون
إلك يابو أليمه صرت ابن ألرياحي
