بقلمي ياهل ناس

[حكمت البيداري]

ياهل ناس ..

احنا نحبكم ياهل ناس
الروح تودكم والأحساس
انتو الهوا انتو الريا
انتو الزاد انتو الميا
ياناس رحمونا شويا
انقطعت بينا الأنفاس ..

ياهل ناس ..

نحبكم للاه باالله
يل سببتو إلنا الآه
ماعدنه وياكم كل غايه
بس الحب,احلى حجايه
لمضيّع عُمر مايلكاه
ليش الصد ياهل ناس ..

ياهل ناس ..

احنا الما قصرنا وياكم
جم دوب انظل نترجاكم
فتحـ نا القلب عالبابين
شلناكم برموش العين
شطلبتم وماكلنا هاكم
حطيناكم فوك الراس ..

ياهل ناس ..

سلمنا ما رديتوا
جينه وياكم ماجيتوا
عين ابعين شفناكم
تميلون عنا اشجاكم
ياويله من حبكم يهوا
عدكم قسوة ماتنقاس ..

ياهل ناس ..

بيدارو

 

منقول  كامل العامري ذاك إنتَ الربت روحك بنبض گلبي

منقول  هذوله الجواسيس

[Daleen]

عاش القلم اخونا وشاعرنا المبدع ..تقديرنا لك

 

[Gardi]

شكرا شاعرنا على عطائك الدائم
تقديري لك

 

[غزل..ᥫ᭡]

_

جمميل جداً مايكتبه قلمك
شكراً لجمال عطائك

..."