منقول عزيز عسكر انه قمصان البنات

[Gardi]

عزيز عسكر





انه قمصان البنات

انه ترجيه وضفاير انه موعد للغرام

انه بعيون الحمام...

كل كلب دافي حنينه ايام عمري

وكل نهر من روحي يجري..



وكل قصيدة انكتبت انه

وكل صحاري الله قضيتي

وكل هوية تريد تبدي

مني تبدي ومن هويتي..



انه مثلك هم احب واكره وكول الناس جذبه

والوطن جذاب ..والدنيا غريبه

صوتي صوتك ..همي همك

والفرق بيناتنا كلبي وسمارك والحبيبه..



كلت عني يموت شاعر وانه عنك ماكلت والشاهد الحب والكصيبه..

الفوك بابك شكتت بالوانها احروف الجمال

والمراجيح ولعبها

وضحكت امي والبراءة التارسه عيون الجهال...



بالجرايد تلكه

نغمه تريد تكبر تكبر بكبر الحلم والشوك خايف

وبين موسم

باع موسم تلكه مجموعة مواسم شايله اعله جفوفها حزن الصرايف..

وانت بعدك تلعب بروحي وتبجيني وتطش ايامي كلهه وتزعل وترضه وتوالف...



احرك البوب وضواها وحط ضلام وحط جسر

وحط صوري وصورتك والليل وجروحي وغلاتك والسنين ولوعتي وجذبك جسر...



بس ضميري يعدي ناسه

وانت ماعندك ضمير يعدي ناسك

انه بس ضيم العراق براسي يفتر

وانت بس ليل الملاهي افترله راسك..



عوف بجوفي الورد والحنه والدم

عوفني احلم

عوف بيه الناس كله وشيل رسمك من خيالي حروفي من دم..



انه ابوي الباعني ومارد شراني

انه تاريخي تعب ووجوه بيهه الحزن ثاني..

اسمي

مثلي يعيش وتكتله الأغاني

شاعر اني...؟

 

منقول  ميثم الطفيلي غربة انعيش.. غربة انموت

منقول  تسألني الشوارع وين الاحباب - خضير هادي

[جيفارا]

طرح راقي ورد يسلمووووووو

 

[هدير الامواج]

يسلمووووو على الطرح الرائع

 

[نور الشمس]

شـكــ وبارك الله فيك ـــرا لك ... لك مني أجمل تحية

 

[Ibn AliraQ]

شكرا جزيلا على المشاركة
تحيتي

 

[غزل..ᥫ᭡]

_

عوفيتي
وشكراً لجمـآل عطآئكِ ..."