طريقة عمل السمنة من الزبدة ( بطريقة صحيحة )
المقادير :
كيلو زبده
نصف ملعقه صغيرة ملح
معلقة كبيرة دقيق اختياري لو عايزه تزودي المورته
حله الومنيوم
برطمان زجاجى لحفظ السمن
الطريقة :
اختاري حله تكون من الالمنيوم وتكون مناسبه لكمية الزبده بحيث الزبده تصل لمنتصف الحله
لان في انواع زبده مغسوشه وممكن تفور وانتى بتسيحيها
الحلل الاستانلس والصاج درجة سخونتها عاليه جدا وممكن تحرق الزبده والتيفال فبتعمل قشره بسرعه في القاع وممكن تغير لون وطعم السمنه وكمان بتحرق المورته
الافضل الحلل الالومنيوم ضعى فيها الزبده حتى لو مجمده
وولعي البوتاجاز على نار هاديه وهيه هتفك وتسيح براحتها
اول ما تفك ضيفي نصف ملعقة صغيره ملح لكل كيلو زبده
اما تبدأ تغلى هدي عليها النار خالص هتلاقي اتكون وش زي القشطه الوش ده بعد كده هينزل تحت ويبقي مورته
وقلبي الزبده كل 5 دقايق في الربع ساعه الاولى وبعد كده قلبي كل دقيقتين وبعدين دقيقه وبعدين استمري في التقليب حتى تصفر الرواسب او المورته وبتبقى السمنه اصبحت شفافه يعني تقدري تشوفي قاع الحلة والمورته منها
وتلاقي الي على وش السمنه مجرد فقاقيع والوش اللي زي القشطه مش موجود
ممكن ترشي معلقة دقيق على الفقاقيع دي هتاخد اي شوائب في السمنه وتنزل القاع وكمان بتزود المورته لو بتحبيها
اطفي عليها وهى هتكمل سواها بنفسها وخليها على البتاجاز لحد ما تهدي خالص
وخلي بالك لو زودتى في تسوية السمنه المورته هتحمر وتتحرق وتبقى السمنه غامقه وفيها مراره حاولي تحافظي على لونها الاصفر الجميل
سيبيها تبرد تماما وعبيها في برطمانات زجاج
وما تسيحيش كتير بدون لازمه وجود الزبده بالفريزر افضل من وجودها مده طويله متسيحه لان طعمها بيغير وتنعم وتبقى مش مرمله مع الوقت خصوصاً لو الجو حر
وما تضيفيش سمنه مسيحاها على سمنه متسيحه قديمه لانها بتبوظ السمنه الجديده وتخليها تنعم وريحيتها تروح وكمان اغسلي البرطمان من اثار السمنه القديمه
اما السمنه تبقى دافيه حطيها في البرطمان بدون المورته وحطي فص حبهان سليم بيحافظ عليها ولما تبرد خالص غطيها
والمورته حطيها في علبه وغطيها لحين الاستخدام ممكن تكليها كده بالعيش او تحطيها في المش الفلاحى
وبالف صحه وعافيه
المقادير :
كيلو زبده
نصف ملعقه صغيرة ملح
معلقة كبيرة دقيق اختياري لو عايزه تزودي المورته
حله الومنيوم
برطمان زجاجى لحفظ السمن
الطريقة :
اختاري حله تكون من الالمنيوم وتكون مناسبه لكمية الزبده بحيث الزبده تصل لمنتصف الحله
لان في انواع زبده مغسوشه وممكن تفور وانتى بتسيحيها
الحلل الاستانلس والصاج درجة سخونتها عاليه جدا وممكن تحرق الزبده والتيفال فبتعمل قشره بسرعه في القاع وممكن تغير لون وطعم السمنه وكمان بتحرق المورته
الافضل الحلل الالومنيوم ضعى فيها الزبده حتى لو مجمده
وولعي البوتاجاز على نار هاديه وهيه هتفك وتسيح براحتها
اول ما تفك ضيفي نصف ملعقة صغيره ملح لكل كيلو زبده
اما تبدأ تغلى هدي عليها النار خالص هتلاقي اتكون وش زي القشطه الوش ده بعد كده هينزل تحت ويبقي مورته
وقلبي الزبده كل 5 دقايق في الربع ساعه الاولى وبعد كده قلبي كل دقيقتين وبعدين دقيقه وبعدين استمري في التقليب حتى تصفر الرواسب او المورته وبتبقى السمنه اصبحت شفافه يعني تقدري تشوفي قاع الحلة والمورته منها
وتلاقي الي على وش السمنه مجرد فقاقيع والوش اللي زي القشطه مش موجود
ممكن ترشي معلقة دقيق على الفقاقيع دي هتاخد اي شوائب في السمنه وتنزل القاع وكمان بتزود المورته لو بتحبيها
اطفي عليها وهى هتكمل سواها بنفسها وخليها على البتاجاز لحد ما تهدي خالص
وخلي بالك لو زودتى في تسوية السمنه المورته هتحمر وتتحرق وتبقى السمنه غامقه وفيها مراره حاولي تحافظي على لونها الاصفر الجميل
سيبيها تبرد تماما وعبيها في برطمانات زجاج
وما تسيحيش كتير بدون لازمه وجود الزبده بالفريزر افضل من وجودها مده طويله متسيحه لان طعمها بيغير وتنعم وتبقى مش مرمله مع الوقت خصوصاً لو الجو حر
وما تضيفيش سمنه مسيحاها على سمنه متسيحه قديمه لانها بتبوظ السمنه الجديده وتخليها تنعم وريحيتها تروح وكمان اغسلي البرطمان من اثار السمنه القديمه
اما السمنه تبقى دافيه حطيها في البرطمان بدون المورته وحطي فص حبهان سليم بيحافظ عليها ولما تبرد خالص غطيها
والمورته حطيها في علبه وغطيها لحين الاستخدام ممكن تكليها كده بالعيش او تحطيها في المش الفلاحى
وبالف صحه وعافيه
