مشتاگين..
يل بكل چلمة منّچ ريحة بساتين..
مشتاگين..
يا شمرة الرازقي المريود
يطگ بكل فجر.. رگبة او حِنِچ و خدود
يضوي اعلى النحر
گمرة اعلى شَبّة تين..
مشتاگين..
مو جانه الشتا و الدنيا بُردت حيل
بين اچتافي ناطر تعتنيلي برَيل
او لو سألوني اگولن خفت لا اتبردين..
مشتاگين..
يا عثگ التمر شايل رطب مكتوم
ودروبچ سواجي اتطشّر الملموم
بكل رازونه انطر احضن مساجين..
مشتاگين..
# بقلمي
يل بكل چلمة منّچ ريحة بساتين..
مشتاگين..
يا شمرة الرازقي المريود
يطگ بكل فجر.. رگبة او حِنِچ و خدود
يضوي اعلى النحر
گمرة اعلى شَبّة تين..
مشتاگين..
مو جانه الشتا و الدنيا بُردت حيل
بين اچتافي ناطر تعتنيلي برَيل
او لو سألوني اگولن خفت لا اتبردين..
مشتاگين..
يا عثگ التمر شايل رطب مكتوم
ودروبچ سواجي اتطشّر الملموم
بكل رازونه انطر احضن مساجين..
مشتاگين..
# بقلمي
