منقول جواد زغير اليشتل حسين بضميره الماي كلش ما يهمه

[Gardi]

جواد زغير





اليشتل حسين بضميره الماي كلش ما يهمه

وين ما تعطش الثوره يفيض دمه

و وين ما يصحى الشرار تشوف رسمه..



اليشتل حسين بضميره يعيش حر

لـَوّن شاف البرد ضالم يشتعل گبل الجمر

وانتَ يـ أمورث الليل لهسه بعدڪ مشتعل شمعه غريبة



سافرت ماي لسواجيهم الصبخه وطشروڪ

ولمتڪ غيرة گصيبـه

طيح يا مسلم يـَ گمره

الطاح شامخ يلگه فردوسه جريبـه



ولو طيحاتڪ اسرار ...

وشوفهم ما عزب لملگاڪ بير

ولو كل الدنية ضدڪ وانتَ بس مرسال وياڪ وضمير

و (وين) مشتولـه اعله شفتينڪ عطش.!



ماكو ناس بلون نيتڪ

هندس تفيض الولاية

شچم نهر بوجوهم ما حفظ مايـه..؟

وتلتفت كلشي رخيص...



ونثية ما تشبه گصصهم....

فرعت شباچها بوجهڪ مضيف..!

وفرزنت شوفڪ عبايـه

ما رضت يكبر ضماڪ..

ولا رضت تعتاز عين..



اتعذرتلڪ ( والله ما يستاهلونڪ )

ذبحوا الملگه وي جيتڪ ...

چي قروا وجهڪ رساله من الحسين

و صلوا الشڪ اعله دربڪ

چي صدح صوتك يقيـن..!



يا سفير الماي غيَـم..

باچر امن اتطيح يتشيم الطـين..!

 

منقول  حسين جمعة... ( بغداد)

منقول  علي الشباني ... (صاحب الزمان )

[صاحبة هيبه]

يعطيك العافية على هذا الطرح الرائع

 

[Dunea]

عاشت الايادي

 

[Gardi]

منورات ياعسل