الكبير لطيف العامري
صهيل الريح
صهيل الريح ...
شگگ كل اذن طرشه...
عواصف والمطر مجنون
وأحنه سگوفنه وردات ...
من يثگل عليهه النده
تگوم تخر ...
صهيل الريح دوية صافرة انذار
باول هدوة الغبشه
الزواجل عالمناير غافيه وتفر
صهيل الريح
ماقصر أجه ابراهيم باسماعيل
ماجرت مجرتنه مسير وغلبته بكبشه
وگفنه بلاكبش ننحر.....
صهيل الريح
وعيوني مغاره..وخدي صخرة موت
وشفافي زرگ ..
مبحوح بيهه الصوت ....
وظنوني قلم يسجد لچلمة موت
يكتب عالستايرموت.....
يكتب عالمناير موت....
يكتب وين مايلگه ورق بالدنيه
يحيا الموت ...
يحيا الموت ...
لأن ليل اليمر كابوس
بيه كلشي الاشوفه مغلف بتابوت
زفة تمر اشوف الزفه بالتابوت
عيد يمر اشوف العيد بالتابوت
الگمر والگاع والنجمات
تمر بعيني كلهه مغلفه بتابوت
يحيا الموت ...
لان ليل اليمر كابوس ...
اشوف شفاف ورد الجوري بيه صفره
واشوف الناس كلهه گبور
كلمن يركض بكبره ....
واشوف ايوب شايل راية استسلام
چي شح ونفذ صبره
واشوف البسمه دمعة ميت
ياكابوس عمري المنه مافزيت
لان اطلع اشوف المگبره دنياي
وارجع للمغيسل بيت…
صهيل الريح
صهيل الريح ...
شگگ كل اذن طرشه...
عواصف والمطر مجنون
وأحنه سگوفنه وردات ...
من يثگل عليهه النده
تگوم تخر ...
صهيل الريح دوية صافرة انذار
باول هدوة الغبشه
الزواجل عالمناير غافيه وتفر
صهيل الريح
ماقصر أجه ابراهيم باسماعيل
ماجرت مجرتنه مسير وغلبته بكبشه
وگفنه بلاكبش ننحر.....
صهيل الريح
وعيوني مغاره..وخدي صخرة موت
وشفافي زرگ ..
مبحوح بيهه الصوت ....
وظنوني قلم يسجد لچلمة موت
يكتب عالستايرموت.....
يكتب عالمناير موت....
يكتب وين مايلگه ورق بالدنيه
يحيا الموت ...
يحيا الموت ...
لأن ليل اليمر كابوس
بيه كلشي الاشوفه مغلف بتابوت
زفة تمر اشوف الزفه بالتابوت
عيد يمر اشوف العيد بالتابوت
الگمر والگاع والنجمات
تمر بعيني كلهه مغلفه بتابوت
يحيا الموت ...
لان ليل اليمر كابوس ...
اشوف شفاف ورد الجوري بيه صفره
واشوف الناس كلهه گبور
كلمن يركض بكبره ....
واشوف ايوب شايل راية استسلام
چي شح ونفذ صبره
واشوف البسمه دمعة ميت
ياكابوس عمري المنه مافزيت
لان اطلع اشوف المگبره دنياي
وارجع للمغيسل بيت…
