• منتديات شباب الرافدين .. تجمع عراقي يقدم محتوى مميز لجميع طلبة وشباب العراق .. لذا ندعوكم للانضمام الى اسرتنا والمشاركة والدعم وتبادل الافكار والرؤى والمعلومات. فأهلاَ وسهلاَ بكم.
شعر شعبي عراقي ٢٠١٩ ومضات مميزة

شعر شعبي عراقي ٢٠١٩ ومضات مميزة

  • بادئ الموضوع بادئ الموضوع Gardi
  • تاريخ البدء تاريخ البدء
  • الردود الردود 2
  • المشاهدات المشاهدات 2K

Gardi

المديرة .
السمعة: 100%
النقاط 217
الحلول 1
إنضم
2018-10-01
المشاركات
41,358
مستوى التفاعل
21,515
النقاط
217
الإقامة
العراق
Gardi
شعر شعبي عراقي مميز ومضات مميزة حب عزل فراق وغيرة تعال تفضل هنا


يا نبع صافي إبضواك
ليش شالت شفتك گل العطش ؟
وليش تذبل بالسواجي
وجرفك أيخضَّر فجر
بيّه ضوى إعيونك غُبش


- شاكر السماوي



بوسط روحي حضنتك طيف
تطرد وحشة الفرگة
وعلى أرموشي اوگفت خيال تضحك
بيدك التفگّة واناغيلك ..


- أبو سرحان



وأفتر والعمر بكرة بخسارة يلف
وانه ودربي، احس ثگل التعب
حيّة جزيره إعله الجدم تفتر احس باجي
العِزم گطرة بهبوب ومارضت تنشف
وأشوف الناس بس اوجوه
متخيط خلگها بخوف



- كاظم إسماعيل الگاطع




وسكتنه
وسولفت روحي
العذاب يهون وانته تهون
واخبرنك يحاديني .



- ذياب كزار





يوج ليل الشواطي أشموع
وتلمع عالقميص دموع
وأطيحن لك، جمر يبچي الثلج وياه.



- عزيز السماوي




واذا بالطيف قابل مشتهي متونك
حزني من اليحبونك
ياهو الگال حزني إنـتَ.



- حيدر الطفيلي



كل مره ادورك
وألـگه طولك عذر
محبس فقيره ..
ايضيع لو ينكسر
بايعـني لـ لله
وعاشگك للشذر.


- مصطفى الاشتراني





من تشوف واحد من بعد مكسور
لاتحتار، هذا انه
اجيتك سنبلة مدنگّة



- ميثاق الهلالي




لهسه وماعشگت عليك
وانت الطوك والمحبس
يطير الماي يانورس
اغنيلك شغنيلك
اغني شلون وانه أخرس.



- محسن الخياط




تانوني الصبّر ينهاب
اذا بي جيّة للغالي
خلّوني اريد اشتاك
حد ما ينسطر بالي.


- ابو سرحان
 
الله الله
 
عودة
أعلى أسفل