شعر: د.يعقوب يوسف الغنيم
(1)
احفظ حياتك باتباع القوانين
واحفظ بلادك عن اعيون المعادين
تسلم عن الزلات بين البلادين
لا تنفع الناس بالفوضى بليّا حدود
درب المنافع عليهم دايم مسدود
اشلون نفلح ابدنيانا بلا مجهود
ونصير كلنا ابما يرضي الوطن راضين
(2)
ما أحلاچ يا ديرتي يا ام السعد والخير
انتي عروس وغيرچ في حلاتچ غير
على اغصونچ اتغنّي سارحات الطير
الحب في خاطري لچ ضارب أطنابه
وأهلچ عزيزين كل يعرف أحبابه
وان جاچ فاسد ترانا نحسب احسابه
يا ديرتي زيدي خطاويچ في السير
(3)
أحبابنا أهل الكويت الميامين
خلكم على درب الوفا دوم ماشين
هي أمكم، هي زهرة في البلادين
ما أحلى إذا شفناه منظر بحرها
واحلا اذا طق المطر ورَّد برها
هي عندنا جنة تسر من نظرها
الكويت تسبق غيرها بالميادين
(4)
يا خوي يا كويتي نصحتك نصيحه
اذا بغيت تعيش عيشة صحيحة
واتشوف في دنياك دنيا امريحة
إحرص على الطبع الحسن في حياتك
واذا لقيت الناس انت وذاتك
اتزيد في قدرك وتعلا غلاتك
اسمع نصيحه من امحب صريحه
(5)
لا يكون صوتك وسط الأسواق عالي
واقضب السانك زين بين الأهالي
خلك مع الطيبين أول أو تالي
الكل يطلب من رفيجه معونه
وفي حزّة الحزه ترى ينفعونه
وإذا تكلم بينهم يسمعونه
والطيب للأصحاب لا شك غالي
(1)
احفظ حياتك باتباع القوانين
واحفظ بلادك عن اعيون المعادين
تسلم عن الزلات بين البلادين
لا تنفع الناس بالفوضى بليّا حدود
درب المنافع عليهم دايم مسدود
اشلون نفلح ابدنيانا بلا مجهود
ونصير كلنا ابما يرضي الوطن راضين
(2)
ما أحلاچ يا ديرتي يا ام السعد والخير
انتي عروس وغيرچ في حلاتچ غير
على اغصونچ اتغنّي سارحات الطير
الحب في خاطري لچ ضارب أطنابه
وأهلچ عزيزين كل يعرف أحبابه
وان جاچ فاسد ترانا نحسب احسابه
يا ديرتي زيدي خطاويچ في السير
(3)
أحبابنا أهل الكويت الميامين
خلكم على درب الوفا دوم ماشين
هي أمكم، هي زهرة في البلادين
ما أحلى إذا شفناه منظر بحرها
واحلا اذا طق المطر ورَّد برها
هي عندنا جنة تسر من نظرها
الكويت تسبق غيرها بالميادين
(4)
يا خوي يا كويتي نصحتك نصيحه
اذا بغيت تعيش عيشة صحيحة
واتشوف في دنياك دنيا امريحة
إحرص على الطبع الحسن في حياتك
واذا لقيت الناس انت وذاتك
اتزيد في قدرك وتعلا غلاتك
اسمع نصيحه من امحب صريحه
(5)
لا يكون صوتك وسط الأسواق عالي
واقضب السانك زين بين الأهالي
خلك مع الطيبين أول أو تالي
الكل يطلب من رفيجه معونه
وفي حزّة الحزه ترى ينفعونه
وإذا تكلم بينهم يسمعونه
والطيب للأصحاب لا شك غالي
