النجرسكو
النجرسكو او المكرونة بالبشاميل بالفراخ: اوقات كتير بنمل من الاكل التقليدي وبنحب نغير ونجدد في الاكل وكمان نعمل لولادنا الاكل المفيد بس بطرق مختلفه، انهارده هنعمل وصفه سهلة اوي ومكوناتها كلها مفيده لانها بتتكون من مكرونة وفراخ ولبن وخضار ومشروم
مقادير عمل النجرسكو:
نص كيلو مكرونة اسباجيتي
نص كيلو بانية او (بواقي فراخ موجودة عندك)
بصلة متقطعه جوانح
فلفل الوان متقطع جوانح
فص توم مهروس
زيتون مخلي قطع
زيت
مشروم( لو متوفر)
ملح
فلفل اسود
رشه جوز الطيب
رشه بهارات فراخ
جبنة موتزريلا او (اي نوع تحبية)
البشاميل:
3 معالق كبار دقيق
3 معلقتين كبار زبدة
3 كوب لبن
ملح
رشة فلفل اسود
نص كوب كريمة طبخ (100 جرام) لو متوفر عندك
طريقة تحضير النجرسكو:
اول حاجة هنسلق المكرونة حلة علي النار فيها ماء ثم نضع معلقه زيت ورشه ملح ونسبها تغلي وبعدين نحط المكرونة ونقلبها وبعد عشر دقايق نصفيها ونركنها.
هنحضر الفراخ هنجيب نص كيلو بانية نغسلة كويس ونصفية وبعدين نقطعة شرايح زي الشاورما بالضبط.
نجيب طاسة علي النار ونحط فيها معلقتين كبار زيت يسخنوا وبعدين ننزل بالفراخ ونسبها تاخد صدمة وبعدين نقلبها ونحط الملح والفلفل الاسود .
نضع البصل المقطع جوانح ونقلبهم وبعدين فص التوم وبعدين ننزل بالفلفل الالوان المتقطع جوانح ايضا ونقلبهم مع بعض وبعدين نضع المشروم معاهم ( لو متوفر عندك) و نضع الزيتون المخلي ونظبط الملح ونحط رشه من بهارات الفراخ بتدي طعم حلو اوي ورشه من جوز الطيب بسيطة ونركنها علي جنب.
(لو عندك بواقي فراخ في الثلاجة عادي جدا هنفصصها ونحطها مكان البانية بالضبط).
ثم نحضر البشاميل حله علي النار هنحط فيها الزبدة او السمنة ونسبهم يسيحوا وبعدين ننزل بالدقيق واول مايصفر سنه ننزل باللبن الساقع مهم جدا يكون اللبن ساقع مش سخن عشان ميكلكعش معانا البشاميل.
ونقلب بالمضرب اليدوى في اتجاة واحد ونظبط الملح ورشه الفلفل الاسود ونقلب لحد مالقوام يبقي كريمي ومضبوط وبعدين نحط كريمة الطبخ (لو متوفرة عندك) وبعدين رشة من جوز الطيب.
نحضر صنيه ندهنها زبدة ورشة دقيق وبعدين نحط مغرفة كبيرة بشاميل وننزل بنص المكرونة وبعدين نحط الحشو بتاعنا (الفراخ) ونحط مغرفة بشاميل ورشة موتزريلا .
وبعدين نضع باقي المكرونة ونحط كل البشاميل وبعدين نرش الموتزريلا ولو حابين نحط اي جبن تانيه عادي جدا .
وندخلها فرن سخن علي حرارة 180 درجة لمدة 50 دقيقه حسب الفرن بتاعك وبعدين تحت الشواية تاخد لون.
وتقدم بالف هنا.
النجرسكو او المكرونة بالبشاميل بالفراخ: اوقات كتير بنمل من الاكل التقليدي وبنحب نغير ونجدد في الاكل وكمان نعمل لولادنا الاكل المفيد بس بطرق مختلفه، انهارده هنعمل وصفه سهلة اوي ومكوناتها كلها مفيده لانها بتتكون من مكرونة وفراخ ولبن وخضار ومشروم
مقادير عمل النجرسكو:
نص كيلو مكرونة اسباجيتي
نص كيلو بانية او (بواقي فراخ موجودة عندك)
بصلة متقطعه جوانح
فلفل الوان متقطع جوانح
فص توم مهروس
زيتون مخلي قطع
زيت
مشروم( لو متوفر)
ملح
فلفل اسود
رشه جوز الطيب
رشه بهارات فراخ
جبنة موتزريلا او (اي نوع تحبية)
البشاميل:
3 معالق كبار دقيق
3 معلقتين كبار زبدة
3 كوب لبن
ملح
رشة فلفل اسود
نص كوب كريمة طبخ (100 جرام) لو متوفر عندك
طريقة تحضير النجرسكو:
اول حاجة هنسلق المكرونة حلة علي النار فيها ماء ثم نضع معلقه زيت ورشه ملح ونسبها تغلي وبعدين نحط المكرونة ونقلبها وبعد عشر دقايق نصفيها ونركنها.
هنحضر الفراخ هنجيب نص كيلو بانية نغسلة كويس ونصفية وبعدين نقطعة شرايح زي الشاورما بالضبط.
نجيب طاسة علي النار ونحط فيها معلقتين كبار زيت يسخنوا وبعدين ننزل بالفراخ ونسبها تاخد صدمة وبعدين نقلبها ونحط الملح والفلفل الاسود .
نضع البصل المقطع جوانح ونقلبهم وبعدين فص التوم وبعدين ننزل بالفلفل الالوان المتقطع جوانح ايضا ونقلبهم مع بعض وبعدين نضع المشروم معاهم ( لو متوفر عندك) و نضع الزيتون المخلي ونظبط الملح ونحط رشه من بهارات الفراخ بتدي طعم حلو اوي ورشه من جوز الطيب بسيطة ونركنها علي جنب.
(لو عندك بواقي فراخ في الثلاجة عادي جدا هنفصصها ونحطها مكان البانية بالضبط).
ثم نحضر البشاميل حله علي النار هنحط فيها الزبدة او السمنة ونسبهم يسيحوا وبعدين ننزل بالدقيق واول مايصفر سنه ننزل باللبن الساقع مهم جدا يكون اللبن ساقع مش سخن عشان ميكلكعش معانا البشاميل.
ونقلب بالمضرب اليدوى في اتجاة واحد ونظبط الملح ورشه الفلفل الاسود ونقلب لحد مالقوام يبقي كريمي ومضبوط وبعدين نحط كريمة الطبخ (لو متوفرة عندك) وبعدين رشة من جوز الطيب.
نحضر صنيه ندهنها زبدة ورشة دقيق وبعدين نحط مغرفة كبيرة بشاميل وننزل بنص المكرونة وبعدين نحط الحشو بتاعنا (الفراخ) ونحط مغرفة بشاميل ورشة موتزريلا .
وبعدين نضع باقي المكرونة ونحط كل البشاميل وبعدين نرش الموتزريلا ولو حابين نحط اي جبن تانيه عادي جدا .
وندخلها فرن سخن علي حرارة 180 درجة لمدة 50 دقيقه حسب الفرن بتاعك وبعدين تحت الشواية تاخد لون.
وتقدم بالف هنا.
