ارد اضيّع روحي ما بين البساتين
و اسولف للنخل عن غربة اسنين
عن عاشگ دِليله ما رضه ايتوب
يوميّه ابحزن و امگبّع ابطين
احچيله ابقهر چن احچي وياچ
والزم گلبي بيدي من تعُبرين
اقرالچ شِعر .. تنزفني الحروف
اقراهن واعيشن بالتكتبين
چن جاهل وكف يمّ الملاعيب
خايف لو ركب لنّچ تِنِزلين
چلماتچ ذهب و امطرّز الماس
ما تعرف رخص طافت دواوين
من يحچي القلم چن شيخ الشيوخ
تتمايل عگل لو انتي تحچين
بيچ الزم دفو ما يبرد ابنوب
كون احنه ابثلج بس انتي تدفين
من اقره الشِعر اتخيّلچ دوم
سلطانة عصر فوك السلاطين
بس كلّچ تواضع دومه محسوس
واتخيّل غنج لو چنتي تمشين
يا رقّة گلب واحساسچ اگلوب
بهداچ اعلى گلبي لا تزعلين..
# بقلمي
و اسولف للنخل عن غربة اسنين
عن عاشگ دِليله ما رضه ايتوب
يوميّه ابحزن و امگبّع ابطين
احچيله ابقهر چن احچي وياچ
والزم گلبي بيدي من تعُبرين
اقرالچ شِعر .. تنزفني الحروف
اقراهن واعيشن بالتكتبين
چن جاهل وكف يمّ الملاعيب
خايف لو ركب لنّچ تِنِزلين
چلماتچ ذهب و امطرّز الماس
ما تعرف رخص طافت دواوين
من يحچي القلم چن شيخ الشيوخ
تتمايل عگل لو انتي تحچين
بيچ الزم دفو ما يبرد ابنوب
كون احنه ابثلج بس انتي تدفين
من اقره الشِعر اتخيّلچ دوم
سلطانة عصر فوك السلاطين
بس كلّچ تواضع دومه محسوس
واتخيّل غنج لو چنتي تمشين
يا رقّة گلب واحساسچ اگلوب
بهداچ اعلى گلبي لا تزعلين..
# بقلمي
