أهم شي ! حكمت البيداري . شعر شعبي عراقي عن الثقة بالنفس الخير التسامح الاحلام

[Gardi]

أهم شي​

يكون الك ثقه بنفسك​

أهم شي لاتقبل أحد يمسك​

گول أشما عندك وبكل صراحه أحچي​

المن تظم دمعك بحزن وفرح أبچي​

ولت سكت أبد حسك​

..​

أهم شي​

أزرع الخير لكل الناس​

لابد يوم تحصد الخير وي الناس​

الدنيا حلوه أبناسها​

همه أساس أساسها​

وأنتَّ واحد من هل الناس​

..​

أهم شي​

خليك مُسامح خل گلبك عذير​

بالك يوم تنسى بس ربك الچبير​

وتحمل زللات الجاهل​

عل الحق أبداً لا لتجامل​

عيش حر مثل الطير​

وين أتريد روح طير​

..​

أهم شي​

أنصحك لا لتغامر​

لا تبدل يومك أباچر​

أحلامك خليها حقيقه​

مثل أحلام العصفور​

عش زغير بشجرة حديقه​

وحبيبه تمليه زهور​

وبغير چَدك لا لتكابر​

أهم شي ..​

 

شي وأنكسر ! شعر شعبي عراقي عن الزعل والانكسار غدر خيانة حكمت البيداري

من غدر الزمان شعر شعبي عراقي عن الغدر الحب حكمت البيداري

[Gardi]

تم