نحبكم حكمت البيداري شعر شعبي عراقي في الحب

[Gardi]

أحنا أنحبكم يا هل ناس​

شكد ما بالروح من أحساس​

أنتوا الهوا أنتوا الريّا​

أنتوا الزاد أنتوا الميّا​

لولاكم يموتنا الجوع​

والعطش ييبس لظلوع​

وتنگطع بينا الأنفاس​

ياناس رحمونا أشويا​

..​

نحبكم للاه بللآه​

يل سببتوا النا ألآه​

ما عدنا وياكم كل غايه​

غيرالحب وأحلى حچايه​

ليش الصد ياهل ناس​

منوا الراح وأخذ وياه​

..​

چم دوب انظل نترجاكم​

واحنا الما قصرنا وياكم​

فتحنا قلوبنا عالبابين​

وشلناكم برموش العين​

وحطيناكم فوگ الراس​

كل هاي .. ما نلنا رضاكم​

..​

سلمنا وما رديتوا​

وياكم أجينا وماجيتوا​

عين أبعين شفناكم​

تميلون عنا اشجاكم​

عدكم قسوة ماتنقاس​

ياويله من حبكم يهوا ..​

 

ياگمر دزلي خبر حكمت البيداري شعر شعبي عراقي شوق

عجب العجاب حكمت البيداري شعر شعبي عراقي شوق

[Gardi]

تم