قارورة وفه
جنني هواك من حيث لا ادري
- قوانين قسم حصريات الشباب
- قرأت القوانين واوفق عليها
اولنا محمد --- اوسطنا محمد --- اخرنا محمد
صلوا على محمد --- صلوا على محمد
---------
قبل خلق الكون كله --- وقبل ما تبدي الحياة
وقبل خلق الانبياء --- وقبل خلق المعجزات
الباري كون نور طه --- ابقدرته بأجمل صفات
اسهول وجبال وبوادي --- والكتب كلها تنادي
تگول هوه النبي الهادي --- وعلى البعثه امعلمات
بالزبور وبالانجيل --- وبالتوراة وبالتنزيل
--------
وبتده الباري يكون --- ابقدرته كل الخلائق
خلق ارضين وسماء --- ابستة ايام ابطوابق
خلق جنه وخلق نار --- وقبل ادم كلشي خالق
اية البر والبحر --- اية الشمس وگمر
احدد اسنين الدهر --- وعلم اعليها الطرائق
والنجم والأفلاك --- والعرش والأملاك
---------
ومن ظهر ادم ابونه --- چم نبي من بعده صار
نوح سارتله السفينه --- انشقت الموسى البحار
بالشدد ايوب صابر --- اوعالكفر داوود ثار
يعقوب فرحت مهجته --- ابراهيم حصل غايته
عيسى ينادي ابدمعته --- وگال من بعدي المختار
جبرائيل اوميكائيل --- اسرافيل وعزرائيل
-------
ونبعث للامه محمد --- وأشرق الكون ابجماله
رجل امي اختاره الله --- بأعظم واشرف رساله
وصار للقرءان ثايه --- ابوحي من رب الجلاله
الصدق من اعظم صفاته --- والامانه طيب ذاته
نذر للامه حياته --- وحارب اجموع الضلاله
غايته والإسرار --- فاز بيها الكرار
--------
وعلي حماي الحميه --- من رفع فقاره ابيمينه
سار بسم الله ورسوله --- روحه رخصها لجل دينه
فده للإسلام دمه --- ونشد اعليه المدينه
علي ميزان العمل --- وبزوده دين الله كمل
لا ضلاله اولا جهل --- ضلت ابعهده ولينه
بدر تشهدله وحنين --- النهروان اوصفين
---------
الغايه والعصمه والرايه --- بدت من اول محمد
فاز بيها علي وأولاده --- وصارت الثاني محمد
والامامه والقياده --- تنتظر اخر محمد
ياشيعه خلي ننفرد --- هاي المسيه اوننسعد
بالمهدي خلي نعتقد --- حاضر اويانه ويشهد
ونصيح كلنه فد صوت --- انت الوالي للموت
---------
بقلم الشاعر
هاني حماده البلداوي
