مجالات أخرى السلام على الامام الحسن العسكري 3

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
قوانين قسم حصريات الشباب
قرأت القوانين واوفق عليها
ما ننساك --- يالعسكري طول الدهر
ما ننساك --- رغم العدو وكل الخطر
صحنه كلنه ابمعتقد --- انحبك احنه للأبد
***
هذا صوت الشيعه عالي من الضمائر والعقول
عن يقين وعن عقيده ابكل جوارحها تگول
ابكل مكان ابكل زمان العهد دايم ما يزول
يبو المهدي اوياك احنه شيب شبان وكهول
ما ننساك --- وأنت نور الكل بصر
ما ننساك --- يابو الامام المنتظر
كلنه صحنه من المهد
***
اشلون ننساك وگلبنه ادموم ينزف يالحسن
مثل گلبك من تحمل ضيم وهموم ومحن
شرفت سامره باسمك شرفت ارض الوطن
وأنت يابدر الهدايه الك يشهد كل زمن
ما ننساك --- ياكاشف الهم والضرر
ما ننساك --- رغم الام رغم الكدر
فدوه الك مال وولد
***
اشما نسولف عن حياتك نبقى احنه امقصرين
انت نبراس الديانه انت رمز الصابرين
يا حبيب الله اورسوله يا امام امتقين
نعتذر منك يمولا العين ما تعله الجبين
ما ننساك --- نقسم ابفارس مضر
ما ننساك --- وأنت عبره للعبر
الحنظل ابحبك شهد
***
عن مصاب الي جرالك دمه تبچي شيعتك
مو جرح يالحسن بيها اجروح وسعه الغصتك
يالحسن صعبه عليها اتمر حزينه مصيبتك
زمرة السمته الچبدك هيه فجرة گبتك
ما ننساك --- عدنه مسند للخبر
ما ننساك --- وننسه دمك النهدر
نبقى احنه اعللعهد
***
يا جرح مولانه يبره اشلون ننسه الي جره
من اجت اجلاف اميه بالأيادي الفاجره
فجرة گبت ابوك الهادي حرگت منبره
وگبتك يالحسن طاحت نار بيها اموجره
ما ننساك --- وننسه كل ذيج الصور
ما ننساك --- حتى لو نصبح وذر
منك انريد المدد
***
احنه وياك ابعقيده راسخه وصلبه الجذور
لان ندري انت اصلها الماضي انت والحضور
على الفطره اوياها عشنه ارواح نفديها ونحور
ما نساوم عل عقيده ننتظر عصر الظهور
ما ننساك --- انت عنوان الفخر
ما ننساك --- لا وحك سيد البشر
نهتف اليوم الوعد
***
بقلمي
الشاعر هاني حماده البلداوي
10 / صفر / 1442
 

أقسام الرافدين

عودة
أعلى أسفل