يـﮕلبي ليش دومك تحمل الهم
يـﮕلبي ليش دومك تـﮕطر الدم
اظنك ﮔلت وحدي ابهاي دنياي
ما لي اخو الشملي واياه يلتم
يـﮕلبي اصبر وﮔل للوجه يضحك
هم عمرك شفت صخر المينحك
لون هذا طريج الدهر ميحيد
احزانك اتروح ابكسر رمحك
آآآ يويلي آآآ يويلي طار نومي وطال ليلي
أشـﮕد اظل عنك بعيدة والله مو بطلت حيلي
وسلوتي صارت احلامك عل بعد ﮔامت تجيلي
وصورتك بالقلب رفت....بغـربتي صارت دليلي
ما اصدق بعد اشوفك آآآ يويلي آآآ يويلي
الهمسة الثالثة
قصة الرجل والبنات
تدري البنات انواع مثل العصافير
لتأمّن الـﭽذاب مــن عشك يطير
والله البنات فنون ﭽنــهن تصاوير
والصورة بس للعين وللـﮕلب تصبير
وبالك من ام لنقوش مثل الزرازير
والحلوة بالاخلاق باللون متصير
وعند البنات فنون بالـعمر تصغير
وحتى العجوزه اتـﮕول بسكم التكبير
وكل يوم الهن راي كل يوم تدبير
ويـﮕولن بكل حال ما عدنه تقصير
والتمّن الحلوات مثـــل الزنابير
ﮔلولي شنهو الراي علموني تعبير
جيتك طبيب ﭽـلاي انشد التجبير
يضحك عليه ويـﮕول كثر جرجير
وركضن عليه غفل زبرني تزبير
واتعاونن بالمـكر طبرني تطبير
بس هي ام الصدج عرفت التقدير
وظلت وفيه اله ومن دون تفكير
الهمسة الرابع
يا حلوة يا چـذابه
حيالة بـس حبابه
من الحچـي حمل منهَ
وگـالولــي لا تامنهَ
رديت يــا عذّالي
حكمي تره بالتالي
گـالو غشــيم وطيب
وممجرب اللي يچـذب
وگـالت حبيبي الغالي
وحدك شغـلته البالي
فرگـتك صـارت مره
ومن شعر حـبك اقره
وتگـلي حبك جمره
وگـلبي تفتت صبره
وگـلت ارد اصدگ بيهَ
وبلچـي الزمن يهديهَ
ومرت شهور اوياهَ
وظني الوكت داواهَ
توعدني مــره ومره
وبالخلف سجلت نمره
ولمن ابــعد نفـسي
وافترض حـبهَ منسي
تبچـي وتگـول اسمعني
وبالچــذب لا تتـهمني
والله ظروفـي صعبه
وحدك الگلبي حبه
ولمـن تدغدغ گـلبه
وتحـلف بربهَ وربه
ودموعه تمـلي عينه
واتگـــــــلــه لا تاذينه
اوفرگـاك لا اتطوله
ولروحـي لا تهمله
ولمن يغـير رايه
يوم الاجت بچـايه
يرجع طـبعه ليهَ
وما نگدر انداويهَ
وگـالولي حيل واكثر
انصحناك لا تتـقشمر
لنهَ تـــــدگ وتلطم
وتگـللـه لا لا تظلم
انه تـــــــــــــره حبابه
بسك تسوي اطلابه
الهمسة الخامسة
لا تقولي لا، فالهجر مو عادة غريبة!!!
الهجر مو عادة غريبة...لا و لا منكم عجيبة
عرفت من هذا طبعكم...كلمن يسوكة حليبة
اتجرعت لوعات منكم...و انهدم ثلثين حيلي
انا جنت ابتعد عنكم...لو يطاوعني دليلي
غير هذا شرد اكلكم...كلمن يردة حليبة
كذب كلمن يظن بية...اكدر اسلاكم و املكم
انا مو بيدي و لكن...قلبي ما يهوى بدلكم
غير هذا شرد اكلكم...كلمن يجيبة حليبة
من طحت بهواك ما ادري تعذبون اللي يودكم
جيبوا واحد قلبة يصبر...ساعة وحدة من بعدكم
غير هذا شرد اكلكم... كلمن يسوكة حليبة
بـﭽـه الشاعر عل الحبيبه...ونغمته ﭽـانت كئيبه
وضـاگـت الدنيه الوسيعة ...بعد ما ﭽـانت رحيبه
گـتله شاعر انـي مثلك... گـال ودموعه سـﭽيبه
يـحـﭽكي ويه الخان عهده...وكان يفتكره طبيبه:
الهجر مو عادة غريبة...لا و لا منكم عجيبة
عرفت من هذا طبعكم...كلمن يسوكة حليبة
گـتله يا شاعر يا اخويه...واني انحب وي نحيبه
اهجر الي نكر وعوده...ودعوتك راحـت تصيبه
لكن ارد ابدي شعوري ...وارد اشارك بالمصيبة
واليخونك لا تذكــره...وعلى الـسانك لا تجيبه
وارد اگـلك بعد ﭽبدي...الما توافي مو حبــيبه
الهمسة السادسة
روحي وروحــــــــــــــــچ يا روحي
مو روحين......... فد روح
لو راحت روحـچ يا روحي
روحـــي وراه تــروح
الهمسة السابعة
!!!!!المحب المضروب بوري وقد لبس الكلاو ويعتقد انه لوتي!!!!!
عبودي لمن گـال لاجمل بنيه
اتعبرين الكلاوات دموچ عليه
الهمسة الثامنة
شمشون ودليلة
او اللهاث وراء السفاسف
كلامـﭺ يدعي حـبي ولا اظن
كلامـﭺ صادگ وانت تصدﮔين
عشر اوجوه الـﭺ وياه تسعين
وعيونـﭺ اتدّور عل الزناﮔين
وﭽـم السان الـﭺ لمن تـﮕولين
اﮔولن الـــف لا اكثر من الفين
ولـﭺ شادي عمت عينـﭺ تـﮕمزين
وبكل عزة متشــــلهه وتلطمين
همـﭺ صار عــل فقره تكشخين
وعله الغشمة تـﭽـذبين وتنفخين
مَ تـﮕدرين للـــوادم تصيدين
وحمزة وعلي الغربي هم تبينين
جوعانه واشوفــﭺ ما تشبعين
وعلى بطنـﭺ تلطعين المواعين
ما عندﭺ وفـــــــه مثل البزازين
وعله اللـﮕمه السمينه الـﭺ حلـﮕين
وتحلـــفين بالعباس واحسين
واثاريـﭺ يوسفه ويه الشياطين
وين الشرف واخلاق النساوين
اليحفظن عز اهلهن بالدواوين
ويم الزلم الزواﮔـه تلطخين
ولحواوينهم بلـﭽن تجذبين
اشوفـﭺ يوم فد طيـحة تطيحين
ويترس راسـﭺ الفارغ سوادين
وترﮔصين رﮔصـات المجانين
انه اكشفتـﭺ عليه لا تلعبين
وجذباتـﭺ عليه مـا تعبرين
ﭽم مرة كلتلـﭺ لا تـــﭽذبين
وبحـﭽي الصدق حلوة تصيرين
بس طبعـﭺ طبع مـــا هوَ بالزين
دغش مغشوش ومـﭽيل من الشين
ارذل طبع بالعالم تحملين
دولي للزباله ولا تردّين
دولي للزباله ولا تردّين
دولي للزباله ولا تردّين
الهمسة التاسعة
اخذت ابكي مع امي لا ادري
اكان ذلك لاني فهمت القصة؟
يحاكم ليش حكمك صعب وياي
شباب وما يلوك السجن وياي
لون اتبات ليلة بسجن وياي
تعوفن القلم والحاكميه
الهمسة العاشرة
اشكد جريمة ابعيد عني...اشكد ظلم من ما اشوفك
اشكد حنين يهز كياني من تمر بيه اطيوفك
وبلا شعور دموعي تنزل علخدود اتخط حروفك
انته كعبة للمحبة وانا زاير ارد اطوفك
اقترب واحجيلي همك وبالدموع اشرح ظروفك
انت اول جرح بيه ويا جرح!!!..لا ما اعوفك
والله اعوفن روحي اقدر وانت ما اقدر اعوفك
لو عفتني ما اعوفك
ارد ابوسك
وارد احضنك
وارد اشوفك!
