ياليل الحزن شو طولت مكَضيت
روح وانـته ابد مـابيك تقصير
اشو ليلك طويل وساعته ابعام
وتتثبت مثل دكَ الـبـسامير
ما اتعجب اشما شـفت الالام
مو عجبه الخشب يكَطع مناشير
ولا عجبه بشر من يكَطع ارحام
كلشي ابهالزمان ايجوز ويصير
البشر يملك ضمير وعقل موجود
واذا ميت ضميره اشتظن بيه خير
البشر انواع بيهم طيب الذات
وعـله درب المذله بيهم اتسير
وبـيهم عالجرح لو عفته يلتام
باخلاقـه الحميده ايعجب الغير
وبيهم من يـشتت فعله احباب
ومـن فـعله الردي بجروحك اتحير
مـانـهوه بشر بالدغش مدهون
والصيام مـاتـهوه المفاطـير
والطبعه حقـد مـا نرهم وياه
الـعضم ما يرهم ابعشرة سواطير
اذا ساطور عاشر عضم فد يوم
اذاً هذا الـعضم شبعان تجبير
ياليل الحــزن لـتطول اوياي
وكـل لـحظه عليّ جـينك اتشير
مو كَـلبي ذبل من حمل الهموم
ومنك لسه وسط الكَلب تـأثـير
والفلاح لمـن يزرع الكَـاع
مايحـسـب ربح يحسب مـخاسير
وانته اوياي تحـسـب ربح ياليل
واتـخـلي عـله احزانك نـواطير
واذا طـير انخلع من عنده جـنحين
تـجـري ادمـوعه لو مايكَـدر ايطير
يفكر ويـن يلبـد لو اجت ناس
وكـر ماعنده ظلت بس زواغـير
اشلون اتعيش سمجه اتفاركَ الماي
ما تـرهـم وهـاي اتـريد تـفسير
وآنه عودي ذبل والـكَلب مكسور
انـكتبت قصتي اتبجي التعـابير
ولك يايـل مني بعد شتـريد
عذارك بعد ما ارد تـبرر
من ظيمك اصيح الويل ياويل
ولأحزاني بجت حتى العصافير
ولأحزاني بجت حتى العصافير
روح وانـته ابد مـابيك تقصير
اشو ليلك طويل وساعته ابعام
وتتثبت مثل دكَ الـبـسامير
ما اتعجب اشما شـفت الالام
مو عجبه الخشب يكَطع مناشير
ولا عجبه بشر من يكَطع ارحام
كلشي ابهالزمان ايجوز ويصير
البشر يملك ضمير وعقل موجود
واذا ميت ضميره اشتظن بيه خير
البشر انواع بيهم طيب الذات
وعـله درب المذله بيهم اتسير
وبـيهم عالجرح لو عفته يلتام
باخلاقـه الحميده ايعجب الغير
وبيهم من يـشتت فعله احباب
ومـن فـعله الردي بجروحك اتحير
مـانـهوه بشر بالدغش مدهون
والصيام مـاتـهوه المفاطـير
والطبعه حقـد مـا نرهم وياه
الـعضم ما يرهم ابعشرة سواطير
اذا ساطور عاشر عضم فد يوم
اذاً هذا الـعضم شبعان تجبير
ياليل الحــزن لـتطول اوياي
وكـل لـحظه عليّ جـينك اتشير
مو كَـلبي ذبل من حمل الهموم
ومنك لسه وسط الكَلب تـأثـير
والفلاح لمـن يزرع الكَـاع
مايحـسـب ربح يحسب مـخاسير
وانته اوياي تحـسـب ربح ياليل
واتـخـلي عـله احزانك نـواطير
واذا طـير انخلع من عنده جـنحين
تـجـري ادمـوعه لو مايكَـدر ايطير
يفكر ويـن يلبـد لو اجت ناس
وكـر ماعنده ظلت بس زواغـير
اشلون اتعيش سمجه اتفاركَ الماي
ما تـرهـم وهـاي اتـريد تـفسير
وآنه عودي ذبل والـكَلب مكسور
انـكتبت قصتي اتبجي التعـابير
ولك يايـل مني بعد شتـريد
عذارك بعد ما ارد تـبرر
من ظيمك اصيح الويل ياويل
ولأحزاني بجت حتى العصافير
ولأحزاني بجت حتى العصافير
