شعر شعبي عراقي عن الوطن . عن المواطن العراقي مقططفات

[Gardi]

حكمت البيداري ... يالعراقي

أدري كثرت فوگاك المزن​

وكلها مطاره قهر ظيم وحزن​

يالعراقي​

أدري صبرك وصل حدة​

يزيد حملك هم، كل ساعه وزن​

يالعراقي​

دمع عيناك لو وشَل​

وكل عرگ بيك ينشل​

....................................................
حكمت البيداري >> ياطيبة العراقي

ياتمر نخلتنا​ يالبن ديرتنا​ ياخبزة التنور​ من خير حنطتنا​ ياگيمر المعدان​ يا أستكان الچاي​ يا ناگوط الطيب​ من حِب الحبيب​ طعم العسل وأحلى​ صدگني ياخايب​ روح الحياة​ مو ماي​ يا صوت الربابه​ للفاگد احبابة​ يادگت العود​ والجوزه جوابه​ يارگصة الچوب...​

........................................................
حكمت البيداري >> ياوطنا .. يا أهلنا

راح أيام​

أجت أيام​

والغيبة طالت​

أحلام بأوهام​

صارت سنين​

ضاع العمر​

فراگ وهجر​

يمتى نرد​

لو للگبر​

هم راضين​

والعيون​

آه ،​

من شوگ العيون​

من حزنها​

من دمعها​

من المحبه​

من الگلب الحنون​

لا ماتهون​

آه ،​

الغربة جنون​

ضيم وقهر​

ذل ومهانه​

أشلون ماعشت​

مهما تكون​

تالي الندم​

عذب بينا​

وتحملنا​

آه ،​

مجبورين​

غير الآلم​

ماجنينا​

نصبر الخاطر​

آه ،​

مكسورين​

ياوطنا .. يا أهلنا​

الله وانتم​

من بعدكم​

منو النا​

آه ،​

ما النا معين​

........................................................
حكمت البيداري >> اليخونه، نكسر ظلوعه

العراق​

خير وبركه​

لكل الشعب​

موبس، سنه وشيعه​

العراق​

حب وحنان​

طيبه وعافيه​

لليحبه ويباريه ويطيعه​

العراق​

شرفنا كلنا​

والدفاع عنَّا​

واجب والمعركه مشروعه​

العراق​

گاعك وگاعي​

بينتك وبيتي​

وطنا ...​

..................................................................

 

يبقى العراق عراق .. شعر شعبي عراقي حكمت البيداري

ابوذيات دارميات جبار الشكرجي شعر شعبي عراقي

[Gardi]

تم

 

[سليم البصري]