بعدك حبيبي عالبال .... شعر شعبي .... العراق >> حكمت البيداري >

[Gardi]

بعدك حبيبي عالبال​

أنتَ ذاك . هَذاك أنتَ​

بَعدك حَبيبي عالبال​

أبگلبي ذاك هذاك أنتَ​

لا ما يغيرني حال​

كُلما أمّر بِالديره​

أذكر أيّام الجيره​

أشلون أنساك​

أبگلبي ذاك​

أبروحي ذاك​

هذاك أنتَ .. هذاك أنتَ​

..​

يا أحلى أحلام العُمر​

ياعشگ أيّام الزُغر​

من يم بابكُم مِن مَريت​

حَنيت ألك وأشتاگيت​

أخذنّي الشوگ .. لبعيد ابعيد . بعيد ابعيد​

وتمنيت أنّا وياك .. أنّرد أزغار .. وبعُمر جديد​

لكن ياوسفه .. ياوسفه​

خَذانّه الشيب وبان الكُبّر​

يا أحلى أيّام الزُغر​

..​

أني أبذكّرك .. دوم أبذكّرك​

إي والله .. إي والله​

بكُل أفراحي .. بكُل أحزاني​

ضحكه أبضحكه .. آه بآه..آه بآه​

طيفَك مافارگ خَيالي​

يا گُمر منوّر الليّالي​

وين ماروح أنتً ويايه​

أبطرف لساني بكُل أحچايه​

حُبك يسّري بروحّي ودمّي​

يجّري ويّاه .. يجّري ويّاه​

..​

أللي راح مايرجع​

مثل ماچان .. مايرجع​

أعيش الذكّرى واتّوجّع​

يا أنسان مِن يتذكّر ما يتّوجّع​

لاكن شيفيد .. شيفيد الندّم​

گدّام عيونّا . كُلشّي أنهدّم​

أعتّب عَلّيك .. عَلّيك يازمّن​

يازمّن ماألك أمّان​

أللي راح مايرجّع​

مِثل ماچان​

مايرجع​

شعر شعبي .... العراق >> حكمت البيداري >

 

شعر شعبي عامي عراقي حزن . فراق . وداع . غياب . شوق . عتب . الانتظار . عيدية .

يبقى العراق عراق .. شعر شعبي عراقي حكمت البيداري

[Ibn AliraQ]

شعر جميل
عاشت ايدج كاردينيا
مودتي

 

[Gardi]

منًور مدير

 

[حكمت البيداري]

شكرا لكم لنشر كلماتي المتواضعة على صفحتكم الجميلة
وفقكم ورعاكم الرب