منقول وين اروح

[قارورة وفه]

شِلك بمرسال ما يحمل لهفتي
شِلك
بضحكه غريبه ما مكاسرهه بضحكتي
إنسه روحك يمهم وما راح انشدك
إنسه دمعي
وموعدي
وسهري
و لهفتي، وإنتظاري ، وكل هذني
شمالهن ما حركن بيبان بختك
گلي
من اول جدم حط إعله بابك ... عندي غيرك
گلي
من أول ( أحبك ) لا تحبني ... عندي غيرك
گلي
من أول دمع صب إعله زلفك
لا تبلل شعري و ارحل .... عندي غيرك
گلي
من طحت إعله گاعك
روح طيح بگاع غيري ... عندي غيرك
مانه لو عندي مچان إيجيس حظنك
چان ما ضليت يمك .... مالي غيرك
ليش من گتلك ( أحبك ) گتلي ( أحبك)
و آنه مثل إعيون وجهك
ما رهمت بوجه غيرك
شنسه يا لچمه و أعذرك
گتلي روح
وگتلك اي رايح ... و لٰكن مو لغيرك
وين اروح وميته الاحظان التلمني
وين اروح
وماكو ببنادم محنه أتغطي متني
وين اروح
ليا نهر يحمل دموعي
لو يحرك الليل حزني

آه يفجار الجروح
انت فجار المناشد، و الدمع ، و الوين اروح
وين اروح.....!​

 

منقول  تحتار وعالحايط تغفه

منقول  ضنــيت الــ يدور بــيك يلگــاني

[كراميلا ❥]

روعاتك
جميل جدا

 

[هدير الامواج]

سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار