غليت الرخيص وصار اله سوك
وعلى جتافي صعد يا حيف غدار
نطيت الماله قيمه منزله وشان
وعكب طيب الثمر جازاني بحجار
طيري اربات اديه وهدم البيت
صدك بالغريب وعافني وطار
كبر بيه وعليه تكبر اليوم
الحجز بيه مكانه ابين الكبار
خله الكصه تعرك بين شمات
وصار يطيح ميها ابين الزغار
ثكل وجه علي وتغير الحال
طبع حتى الثعالب يمه تحتار
العمر ريل ونهمر بيه ابمحطات
وكثير وجوه شفنه بدرب الاسفار
شيفيد الراعي نايه وكابله الذيب ؟
وبعد يا عود يعزف دون الاوتار
بعد ماريد اظلن شمعه للغير
واخلص الليل اضوي وشايل النار
السيف البل حرب بتار لو فات
لكن بالغمد ما يعرف شصار
انا الليره البعتني برخص التراب
صفر وابيش اضربك تنتهي = صفار
باجر تمر بيك الشارة والصوت
وتطلع حوبتي ومتفيد الاعذار
ضم جرحك وابد لا تشوفه للناس
وسجل الم جرحك ضمن الاسرار
كولوله الغصن اخضر بالعناد
لكن لو يبس معلوم للنار
وكولوله الغدر تتلاكه الوجوه
يفتر الفلك والدنيا تندار
تدويني 🙂
وعلى جتافي صعد يا حيف غدار
نطيت الماله قيمه منزله وشان
وعكب طيب الثمر جازاني بحجار
طيري اربات اديه وهدم البيت
صدك بالغريب وعافني وطار
كبر بيه وعليه تكبر اليوم
الحجز بيه مكانه ابين الكبار
خله الكصه تعرك بين شمات
وصار يطيح ميها ابين الزغار
ثكل وجه علي وتغير الحال
طبع حتى الثعالب يمه تحتار
العمر ريل ونهمر بيه ابمحطات
وكثير وجوه شفنه بدرب الاسفار
شيفيد الراعي نايه وكابله الذيب ؟
وبعد يا عود يعزف دون الاوتار
بعد ماريد اظلن شمعه للغير
واخلص الليل اضوي وشايل النار
السيف البل حرب بتار لو فات
لكن بالغمد ما يعرف شصار
انا الليره البعتني برخص التراب
صفر وابيش اضربك تنتهي = صفار
باجر تمر بيك الشارة والصوت
وتطلع حوبتي ومتفيد الاعذار
ضم جرحك وابد لا تشوفه للناس
وسجل الم جرحك ضمن الاسرار
كولوله الغصن اخضر بالعناد
لكن لو يبس معلوم للنار
وكولوله الغدر تتلاكه الوجوه
يفتر الفلك والدنيا تندار
تدويني 🙂
