اعترف راح اعترفلك واحنه شو نفس الامر
اثنينه انبعنه بسعر جوه السعر
اثنينه انبكنه حدر شمس الظهر
اثنينه السجين تانتنه نذر
اثنينه اتواهمنه بالحب ننتصر
اثنينه انعاني الغدر
واسمع السر الخطر
صنم سويته بديه وادري ما ينفع يضر
وحاطه كبالي وعجيبه الشوك من عنده انتظر
وانت مثلي بهل امر
صنم سويته بديك اشتنتظر
خل نهد اصنامنا وكافي كفر
وبلكي نهده ونستقر
وبلكت اوياي وانا اوياك استمر
وبلكت المامر كبل هسه يمر
وبلكت اجناح العشك لبعيد ياخذنه ويفر
ونترك الممنوع والميصير
خل نغط بالماي مو صرنه جمر
وبلكي نصحه من السكر
وبلكت المامر كبل هسه يمر
خذني يمك
كبل لا يخلص صبرنه ويطفه دم اوجوهنه ونطلع صفر
خذني يمك
كبل لا ينحك ذهبها اطباعنه ونطلع صفر
خذني يمك
حطني يمك كبل لا يم الصفر نطلع صفر
للشاعر جبار رشيد
الله الله 
