لان زعطوط خلك مايعرف الشوك

[قارورة وفه]

علــى التالـــي يعكلي شبيك خفيت
من بـــــــزرك اجه وتمرجح بروحك
مـــــــــاعايز حزن والعندك مكفيك
ولاعـــــــايز جرح واجمل اجروحك
مو انتــــــه الجبل ذليت خشم الكاع
على تالــــــــي العمر تساوه بسفوحك
مو راسك علـه دك وي راس الغيم
هسه بكد اصبعك كــــــــــــايم الوحك
شو اصفن يكلبـــــي يحالك اسويت
بيدك منتهــــــــــي ومدفون مذبوحك
لوح الناس تزهـــي البلورد والياس
بس انته الملح يزهـــي بوسط لوحك
لان زعطوط خلك مايعرف الشوك
يبجــــــي من العشك ويهلهل لنحوك
اذن تتعب يكلبــــــي ومايفيد اربـاك
تشرح للصبح مــــــــايفهم اشروحك
خله يشوف اساسك مــــايشيل العين
خاف يشيل عينه ويشتهي اسطوحك
ويتشلبــــه عله متنك والدلال اشكال
مـــــــــاتكدر تمنعه ينغمش بروحك
اذن تــــــاخذ قرار تحسم الموضوع
ويهده الشلل ويـــــــــكوم مطروحك
​

 

[✨♬♥ نـــور العاشقين ♥♬✨]

شكرا غلا

 

[سارة البابلية]

يسلمو غلاي