بوية بوية

[قارورة وفه]

بوية بوية فركَتك تصعب علية
بوية بوية والله تانيت المنية
*******************
يا حميدة الله اليعينج عالمصيبة
منو بعمرج يكَدر يفاركَ حبيبه
أمس وين وباجر تصبح غريبة
وين ابوية تصيح وين منين اجيبه
بوية بوية عالترب طايح رمية
*************************
هالحياة بلاية والد ظلمة ظلمة
والبعد غير اليعيشة من يفهمه
كل صباح يشمني جان واني اشمه
آه يفراكَك يبويــــة شكبرة همــه
بوية بوية كَلي وشيوكَع بدية
***********************
يالجنت طول العمر يشبكَني صدرك
بوية فدوة يروح عمري ويبقه عمرك
شلونا اعيش بلا وجودك ما انظرك
صدكَ كَالو يالولي مكَطوع نحرك
بوية بوية جثتك فوكَ الوطية
**********************
البت اذا بالبيت ما شافت ابوها
تموت يا ريت بكَبرها يغيبوها
ليش يــا مسلم بنيتك عذبــوها
شلون باجر لون وي زينب سبوها
بوية بوية شلون لو امشي سبية
**********************
اشفت منك طفلة راح تروح عني
ميته بوية ولا عشت بعدك عسني
بوية باجر بالسبي يضربون متني
وانته وينك حتى تسمع بوية وني
بوية بوية لون شدوهن ادية
**********************
بوية اشمن ريحتك حتى بمنامي
الله يدري شكَد الك دلالي ضامي
نحر الشتمه جنت كَالولي دامي
منهو للكوفــة يوديلك سلامـــي
بوية بوية ما دريت شصار بية
**********************​

 

بقلمي  رسايل زمان

مسلم يا سفير حسين

[هدير الامواج]

يعطيك العافية على الطرح الرائع

 

[كراميلا ❥]

احسنت ياغالي