طيور من ألسمه تحمل حجر سجيل
ترمي الكافر الملحد اليجهلهه
يعني حجاره بيهه معنى للتاويل
أبابيل السماء الحشد مثلهه
******
يا جندي السماء وتمشي فوك الگاع
وعلى ذراعك علك من راية العباس
اوديلك سلامي ومنيتي الملگاك
بصطالك أبوسه وخل تلوم الناس
يا جندي الحشد خطيت ألك مكتوب
كلماته بخجل عالورقه تحچي أحساس
أنت ابن الفرات ودجله نهر الخير
وانت ابن الحضارة بكل فخر تنباس
وأنت ابن الطلگت دنياها لجل الدين
مقياسك عجيب وحطم المقياس
بيك اضرب مثل أنصار طف حسين
الواحدهم علم للتضحيه ونبراس
لان عندك شفت غيره بلايه حدود
وي شريان دمك تجري والأنفاس
لبيت النداء وتدري أنت تموت
عاشق للشهاده وهاجر الوسواس
لبست الله اكبر ساعة الكلفات
وسيف الموت بيدك يرعب الخناس
وحك حسين لوما الغيره البدمك
چان الوطن ضاع وما بقت حراس
وحك حسين لوما الغيره البدمك
چان احنه الفقير البينه راسه انداس
يا كحلة عيون الثكله والأيتام
ويا بلسم جرح يتنومسه النوماس
تستاهل أسوي ألحضرتك تمثال
واكتب بالذهب اسمك يتاج الراس
*******
بقلمي
ترمي الكافر الملحد اليجهلهه
يعني حجاره بيهه معنى للتاويل
أبابيل السماء الحشد مثلهه
******
يا جندي السماء وتمشي فوك الگاع
وعلى ذراعك علك من راية العباس
اوديلك سلامي ومنيتي الملگاك
بصطالك أبوسه وخل تلوم الناس
يا جندي الحشد خطيت ألك مكتوب
كلماته بخجل عالورقه تحچي أحساس
أنت ابن الفرات ودجله نهر الخير
وانت ابن الحضارة بكل فخر تنباس
وأنت ابن الطلگت دنياها لجل الدين
مقياسك عجيب وحطم المقياس
بيك اضرب مثل أنصار طف حسين
الواحدهم علم للتضحيه ونبراس
لان عندك شفت غيره بلايه حدود
وي شريان دمك تجري والأنفاس
لبيت النداء وتدري أنت تموت
عاشق للشهاده وهاجر الوسواس
لبست الله اكبر ساعة الكلفات
وسيف الموت بيدك يرعب الخناس
وحك حسين لوما الغيره البدمك
چان الوطن ضاع وما بقت حراس
وحك حسين لوما الغيره البدمك
چان احنه الفقير البينه راسه انداس
يا كحلة عيون الثكله والأيتام
ويا بلسم جرح يتنومسه النوماس
تستاهل أسوي ألحضرتك تمثال
واكتب بالذهب اسمك يتاج الراس
*******
بقلمي
الله الله 
