بس شغلت أحساس وروح ترفه

[قارورة وفه]

شبلآهه عيوني تعشكَ دون متشوف
وشجاني تعلقت بل ماأعرفه
غريب أحساسي بيك تولعت ليش ؟؟
شعور بداخلي مابيه أوصفه
الكَلب يهواك عاشكَ حد ألخبال
بس عقلي عنيد يكَلي أصرفه
ودخت مابين عقلي وكَلبي محتار
شيقنع الكَلب والعقل مايصفه
أحلامي بريئه وجنهن أطفال
على ذراع الخيال شلون تغفه ؟
ياأول حبيب أختارته الروح
وياأجمل غرام وأحلى صدفه
مو مألوف حبي أدري أني وياك
بس عندي قناعه وياك أصفه
ولاشغلت صداقه وعرف بلفيس
بس شغلت أحساس وروح ترفه
المهم أني عشكَتكَ وأنتهى الموضوع
بيك احساسي بارد رايد أدفه
شمعه أنته وحياتي ليل يسبك ليل
نورني بحنانك قبل لا أطفه ​

 

چانت الايام حلوة

الوكــت خيط المصايب

[هدير الامواج]

مااروع كلماتك

 

[كراميلا ❥]

روعه