سجلت العمر بسمك سند مملوك

[قارورة وفه]

حرت بيك شأوصفك خاف اقصر وياك
واعذرني بجمالك راح انا اتغزلّ
ما يحتاج اصفن وأحترگ آهات
ولا يحتاج اطرق أني وأتأملّ
لان خصرك يفطر الصايم من سنين
ويبچي الرضيع ألما بعد يندلّ
يا مسحة سحر تبدي برموش العين
وتفر الوجه عل الرگبه تتدندلّ
جّمّعت الكلام أشواق في أشواق
يتبعثر كلامي وبيك صرت اثملّ
من اتمرّ علينا اتغار الأشجار
ويموت الورد ويشيّب ويذبلّ
إذا يغار العسل منك تراه معذور
لانه بسبتك يتحول لحنظل
وإذا ايفز البعض بالحقد والحسرات
من كرب العليهم وانته تدللّ
يا بذرة حسن زرعوها باخر صيف
رباها الجمال وخضّرّت سنبلّ
ويا كنز الدلع ما تشبهك لكّنوز
إلك قارون باع كنوزة واتبتلّ
كل ظني من احضنك ينتهي الموضوع
وثاريني المك زئبق وينسلّ
عليّ َحتى السراب يصير واقع حال
وتتلاشى أمامي وعني ما تسألّ
سجلت العمر بسمك سند مملوك
يمتى اتحّنّ عليه وتعتقة وتقبلّ
يمتى اتحّنّ عليه وتعتقة وتقبلّ ​

 

دوخت العقل برموشك الحلــوات

طبعك جذب للابد ومتغيره اتحداك

[✨♬♥ نـــور العاشقين ♥♬✨]

الله عليك
روووعه

 

[هدير الامواج]

احسنت

 

[كراميلا ❥]

جمال