ماذمك .اذكرك دوم بالخير

[قارورة وفه]

على جرفي لگيتك جسر مطروح
تالف معدنك وعيوبك اهواي
بالقدره رفعتك ردت احييك
اوگمت تسوه لأن خليتك اوياي
اسمعك تهمس أبأذن اليعبرون
وتگلهم عليت اوصار جواي
اصحه آنه نهر لوعفتك اتموت
ليغرك عليك الراح ولجاي
هذوله اجدامهم سولفت وياك
بس اعيونهم سولتهه طرواي
صدگني ابعلاتك ماالك زود
الناس اندلتك من زود مجراي
من انشف تضل محد يمر بيك
تصعد قيمتك من يصعد الماي
بيه اتريد تغدر ياترى اشلون
طب سابع ارض ماتلگه مگفاي
وذا جدم اليدوسك واگف اوياك
شگول آنه النوارس كلهه وياي
طبع الجسر ثابت.ونته مهزوز
شخصيتك ضعيفه اوماالك راي
حيه ابلا كرامه ارباة الهنود
يطردهه الگصب ويجيبهه الناي
اشگد گتلك تهده اوماتهديت
طب من هاي حجيي اوطلع من هاي
حفر لحدك غرورك وآنه هليت
عليك اتراب دفنه ابكبر دنياي
ماذمك .اذكرك دوم بالخير
من اذكر محاسن بعض موتاي​

 

صافن بس عليك وماي من جوه

جزر بينا الزمان سنين

[كراميلا ❥]

الله الله روعه