خوان طبعك مو محب بأخلاص

[قارورة وفه]

متغير علي حبك حيل والله
احس حبك تغير
من نبرة كلامك..

اعز من روحي جنت اغليك
وهاي تاليهه
اتفسرت احلامك..

احلام المحبه الجانن بعقلك
ما اظن هيه نفسهه
صارن اوهامك..

جنت اتكلي خايف انته
وخوفك هو الجان
اموجع آللامك..

وهسه انكشفت اوراق المحبه
كاتبهه بصفحه سوده
وبأرقى اقلامك..

تلوم اكليبي والساحنه انته
غريب طبعك صار
وغريب اكثر غرامك..

عودني حبك بشوفته ارتاح
وهسه اعلى حالي بجه
الجان احزامك..

احزام ظهرك بجه
وخرس ادموعك
بجه اعلى حالي بتصويبة اسهامك..

انه الجنت احزام الظهرك انته
حالي اعلى حالي بجه
يعني لو فكرت بألهامك..

اذا حبيت غيري صدكني يدور اعليك
وعليك ايصير الصبح اظلم
ويكثر ظلامك..

وتندم على السويته وياي
وترجعلي وراح تشهد
هاي ايامك..

انطيتك محبتي وما افزعتلي ابيوم
كلي شلون تفزعلك
هايه البلكلب اوشامك..

بعت كلبي الحبك شلون؟
وان الجنت راضي
اعبد اصنامك..

يالكافر بالمحبه وعشك السنين
اظن حلال السويته وياي
نفسه حرامك..

خوان طبعك مو محب بأخلاص
تحب الياذيك
وتخلص العدامك..

كلمه عشك ماتوصللهه انته
احجيهه
وهاي كدامك..​

 

[سارة البابلية]

راقي ياغلا

 

[هدير الامواج]