مو شعرج حجابج هو المحليج
شوفة وجهج تفك حيرة المعلول
سوار ايدج علكَـ من حضرة العباس
رخصتي الذهب جي ما لبستي حجول
من يا طين مالح الله مستنكيج
غزرتي بكلب جان بجذع مشتول
بعباتج من تجين اشتم صلاة الليل
واتخايلج نسمه لكل جنح مشكول
انتي اول قصر لابس كَلادة طين
واخر نفس غالي برية المكتول
كَصيره جفوفج وبالملكَه طوعه تصير
وعيونج سلف كوفه وصهيل خيول
افتش جيب كل شاعر يمر عالبال
بلكي الكَه غزل بالشعر ما مكَيول
بالبيرغ وكَلبي الناس يشتبهون
يهتز بالملاكَه بغير دكَ طبول
يا رجفة اجدامي وشدتي بملكاج
شدة ركضة طويريج عالمشلول
كَبل جيتج عشت دكَه بكَلب جاسوس
قلق فلاح من يتوازه عالمحصول
سكَف واتلثم بدخانة الفانوس
ابن شيوخ ما نكَلت عكَاله فصول
ما صافحت جف ما بيه حرورة سيف
خلص نص عمره ظهري بالطعن مشغول
عشت خيبة امل فصليه من تندار
لا ام التزفها ولا دمع مهمول
اخيرا الله جابج واذا ضكني الشيب
اليحب يرجع صبي لو بالنعش مشيول
زفيني كَصيبه اشتهت ملكَه امتون
صار سنين ما غافي بمتن مهدول
احس عكازتي ترافكَني من تبجين
وافقد رغم شايل ذاكرة بهلول
سمعيني شعر بي ريحة القران
جبت العمر اسمع شعر عالمذلول
الما هزه العشك ميقدر الكاروك
وكل موسم بجي يمر جفنه ما مشمول
اليسهر من وكت صاحب فضل عالليل
مو مثل السهر من شاف نجمه يزول
العاشكَ لو رمش ولفه اعلى غيره يموت
بدليل الما يحب من صدك عمره يطول
شوفة وجهج تفك حيرة المعلول
سوار ايدج علكَـ من حضرة العباس
رخصتي الذهب جي ما لبستي حجول
من يا طين مالح الله مستنكيج
غزرتي بكلب جان بجذع مشتول
بعباتج من تجين اشتم صلاة الليل
واتخايلج نسمه لكل جنح مشكول
انتي اول قصر لابس كَلادة طين
واخر نفس غالي برية المكتول
كَصيره جفوفج وبالملكَه طوعه تصير
وعيونج سلف كوفه وصهيل خيول
افتش جيب كل شاعر يمر عالبال
بلكي الكَه غزل بالشعر ما مكَيول
بالبيرغ وكَلبي الناس يشتبهون
يهتز بالملاكَه بغير دكَ طبول
يا رجفة اجدامي وشدتي بملكاج
شدة ركضة طويريج عالمشلول
كَبل جيتج عشت دكَه بكَلب جاسوس
قلق فلاح من يتوازه عالمحصول
سكَف واتلثم بدخانة الفانوس
ابن شيوخ ما نكَلت عكَاله فصول
ما صافحت جف ما بيه حرورة سيف
خلص نص عمره ظهري بالطعن مشغول
عشت خيبة امل فصليه من تندار
لا ام التزفها ولا دمع مهمول
اخيرا الله جابج واذا ضكني الشيب
اليحب يرجع صبي لو بالنعش مشيول
زفيني كَصيبه اشتهت ملكَه امتون
صار سنين ما غافي بمتن مهدول
احس عكازتي ترافكَني من تبجين
وافقد رغم شايل ذاكرة بهلول
سمعيني شعر بي ريحة القران
جبت العمر اسمع شعر عالمذلول
الما هزه العشك ميقدر الكاروك
وكل موسم بجي يمر جفنه ما مشمول
اليسهر من وكت صاحب فضل عالليل
مو مثل السهر من شاف نجمه يزول
العاشكَ لو رمش ولفه اعلى غيره يموت
بدليل الما يحب من صدك عمره يطول
