شما امشي وراي اتضل قصايد

[قارورة وفه]

من بركان غيضك نزلت الناس
وعاگبت الخلگ بس انه صاعد
و اول من اجالك من ردت عون
رجعت بلايه چف و تگلي شارد
ابد ما گلت چفي انطيته لفلان
سألوني اعلى چفي وگلت زايد
گالولي الهلال يدلي عالعيد
گمت كل ما يهل اهلال اعايد
فرشت اچفوني لطيوفك سجاجيد
وندفت ارموشي لدموعك مساند
و بخيط الصبح گمت الضم انجوم
و گلك هاك يلرايد گلايد
بعد فضلي ابرگبتك يلصرت سيف
و ياسيف النكر فضل المبارد
شتريد اتصير بيرغ للمهاويل
باچر هم ترد اقماش راكد
سمعتك صفگت صح انه ماشوف
اعرف الصفگه من صوت المعاضد
اذا يگدر المارد يبني ابيوت
شنهي الجابره ابفانوس لابد
انه جدمي قلم والگاع الاوراق
شما امشي وراي اتضل قصايد
انه شبوط ملگه و اشتهي الموج
اكتله ولا اتذبه بماي راكد ​

 

هي الكاع من جواك تمشيلك

اليسهر من وكت صاحب فضل عالليل

[كراميلا ❥]

جميل غلاي