كبرن تحت أدية ومشن عني ابعيد

[قارورة وفه]

انة اجروحي قميص امفصلات افصــــال
ما أردن وانزعة انــــوب من تالــــــــــي
وانة اجروحي علگ والگلب جن شباچ
وياشباچ حضرة من العــــلگ خالـــــي
ولتغرك ضحتكي اتگول اشـــوفك زيــن
عاين عالســــفن تحچيلك احوالــــــي...
من امشي عل البحر بالكيف أدوس اعلية
ومن يصعد المــــوج ايصير چتالـــــــي
وبعد بية اشكثر واشكثر بية اهمــوم
اذا احجيها ليـــــك اتكوم تنعالــــــي
مثـــل فلاح صاير واركض عل الگـاع
للمـــــــلاچ زرعي وفارغة اسلالـي
اظل ميت عطش والماي اعاين بية
يمتى ايطگ نبع ويفيض شلالــــي
ومثل روح اليتيم روحي بيهـــا احزان
وبس فيض الدمـــع للروح يحلالي
كبرن تحت أدية ومشن عني ابعيد
وحسبالي ابكبرتي اتفيد حسبالـي
أبرة ومن أدية ابغمك البحر اطيــــح
معقولة ابنص البحر ابرة انة الكــــــالي ​

 

واذا بعض الرسائل بيها مفقـــــــود

على الاهات انشد يا لياليهة

[كراميلا ❥]

تجتنن😍