يَثوب الليل و اشثِگله
يغطّي اعيوني و إچتافي
يجيني امحمِّل اجيوبه
صوَر بيها خطوط اسنين
متكحْله اب دمع صافي..
جرايِد تشتهيها الريح و اتلِمها
او تطشّرها ثواب الكل جِدَم حافي..
يثوب الليل غطّيني
جحيل الروح ما يطفه
او ونين الماضي ما يغفه
او ضحِكتي هناك نامت يم حضن دافي..
يثوب الليل بحرك ما يعِز جُرفه
يجيني اب غُربة افراشي
بلم ما يوگف او ماشي
رياحك تعصف ابلا صوت
تكسر خشب مجدافي..
يثوب الليل مو كافي،،؟
تعانِدني على الچلمه
يچلمة عاشگ ايوافي..
يثوب الليل شبّاكك بلايه انجوم
بس شايل ضلِع مكسور..
يتغاوى ابجمُر منذور..
او گلب نايم ظهيرة صيف متعافي..
يثوب الليل هِد بابي..
يثوب الليل سنطه اهناك
هلبت تترك الغافي..
# بقلمي
يغطّي اعيوني و إچتافي
يجيني امحمِّل اجيوبه
صوَر بيها خطوط اسنين
متكحْله اب دمع صافي..
جرايِد تشتهيها الريح و اتلِمها
او تطشّرها ثواب الكل جِدَم حافي..
يثوب الليل غطّيني
جحيل الروح ما يطفه
او ونين الماضي ما يغفه
او ضحِكتي هناك نامت يم حضن دافي..
يثوب الليل بحرك ما يعِز جُرفه
يجيني اب غُربة افراشي
بلم ما يوگف او ماشي
رياحك تعصف ابلا صوت
تكسر خشب مجدافي..
يثوب الليل مو كافي،،؟
تعانِدني على الچلمه
يچلمة عاشگ ايوافي..
يثوب الليل شبّاكك بلايه انجوم
بس شايل ضلِع مكسور..
يتغاوى ابجمُر منذور..
او گلب نايم ظهيرة صيف متعافي..
يثوب الليل هِد بابي..
يثوب الليل سنطه اهناك
هلبت تترك الغافي..
# بقلمي
