شسولف بيك..
و انته الگمر يختل لو يمر طاريك
و يدنّج براسه بكل خجل لو فات
لو صادف مداره او بالغلط مَر بيك..
شسولف بيك..
يا شمرة ورد لو باسه گطر الماي
يمضَيع العقل و انته العقل و الراي
اخاف من الهوى لو طَخ زلف ياذيك..
شسولف بيك..
يل شَعرك سنابل تشتهي الفلاح
و عثوگ العنب من تنلزم ترتاح
اغار من الضوه لو حِرشه يلزم بيك
شسولف بيك..
و انته بلا نفَس عطرك يضَيع الناس
او من تحچي الشفايف نشتغل حرّاس
اخاف من اليشوفك مَرّة يحلم بيك
شسولف بيك..
يا ريحة العنبر من يجيسه الريح
تفّاحك إلِزمه لا عليّه ايطيح
اخاف من الشِعر چلماته لا تغويك
شسولف بيك..
يل كلّك سوالف ما تريد اقلام
و دروبك طويله او تشتهيها اجدام
اعوفن كل هلي و اكضي العمر امشيك..
شسولف بيك..
يل عينك ضوه و الشمس منها تغار
من ترفع الحاجب چن الف مسمار
اصيرن لك خشب بس كون اچلّب بيك
شسولف بيك..
اظن گشطة الگيمر ما اظنها خدود
اضوگنها الصبح و ارجع عليها اردود
من الله الشَكر ما عايز انحلّيك
شسولف بيك..
يل طعم الشفايف لاحه ضوگة هيل
ملمسهن زبد.. ما تكفي كلّ الليل
ولك حتّى الفجر ينطر لمَن يرضيك
شسولف بيك..
ما يكفي الحچي لو ينترس ديوان
و انواع النثر و الشعِر منّه الوان
شما اكتب بوَصفك ما اظن يوفيك
شسولف بيك..
# بقلمي
و انته الگمر يختل لو يمر طاريك
و يدنّج براسه بكل خجل لو فات
لو صادف مداره او بالغلط مَر بيك..
شسولف بيك..
يا شمرة ورد لو باسه گطر الماي
يمضَيع العقل و انته العقل و الراي
اخاف من الهوى لو طَخ زلف ياذيك..
شسولف بيك..
يل شَعرك سنابل تشتهي الفلاح
و عثوگ العنب من تنلزم ترتاح
اغار من الضوه لو حِرشه يلزم بيك
شسولف بيك..
و انته بلا نفَس عطرك يضَيع الناس
او من تحچي الشفايف نشتغل حرّاس
اخاف من اليشوفك مَرّة يحلم بيك
شسولف بيك..
يا ريحة العنبر من يجيسه الريح
تفّاحك إلِزمه لا عليّه ايطيح
اخاف من الشِعر چلماته لا تغويك
شسولف بيك..
يل كلّك سوالف ما تريد اقلام
و دروبك طويله او تشتهيها اجدام
اعوفن كل هلي و اكضي العمر امشيك..
شسولف بيك..
يل عينك ضوه و الشمس منها تغار
من ترفع الحاجب چن الف مسمار
اصيرن لك خشب بس كون اچلّب بيك
شسولف بيك..
اظن گشطة الگيمر ما اظنها خدود
اضوگنها الصبح و ارجع عليها اردود
من الله الشَكر ما عايز انحلّيك
شسولف بيك..
يل طعم الشفايف لاحه ضوگة هيل
ملمسهن زبد.. ما تكفي كلّ الليل
ولك حتّى الفجر ينطر لمَن يرضيك
شسولف بيك..
ما يكفي الحچي لو ينترس ديوان
و انواع النثر و الشعِر منّه الوان
شما اكتب بوَصفك ما اظن يوفيك
شسولف بيك..
# بقلمي
