ما لومك
لأن طبعك غدر
ولا الوم الليالي
البيها ما ظلي صبر
ولا الوم النجوم
اليمها ما بات الگمر
بس الوم الگلب
چي حبك واجاك
وتالي طلعته صفر
وياخسارة الكل سنيني
العشت بيها انت حبيبي
وتطري عل البال وتمر
ويانسيم الهوى
اللي على الوادم يمر
عذب طبعه ومن حنانه
يخاف من يهتز شجر
بس هواك البي سموم
يمر عليه بصيف وحده
بوكت ساعات الظهر
يفزز جروحي اللي نامت
مثل ميفز الجمر
وياحزن ذيچ الشوارع
البيها تمطر بالخريف
دمع اوراق الشجر
وأنا واگف أنتظر
وحتى ملتني الشوارع
كثر ما أنزف قهر
وياجرح ذيچ المسية
البيها ما مر الفجر
وأنا واگف أنتظر
وحتى مل مني الصبر ..
وما أجيت وما أجيت
وهذا طبعك مو جديدة ..
مبين واضح غدر ..
