سرى ضعن الفراك بليل ----- وحداي
وحكمني الحزن بالصفنات----- وحداي
عكب عينك ترى ضليت ----- وحداي
مغيم والدمع يمطر عليه
-----
العتب وياك احس وكته تراحان
جفيت وماضن كلبك تراحان
الاخو يفزع طبع عنده تراحان
يشوف العوز مر ابيت اخيه
-------
اكربن ياصاح بغيابك يراحان
اعيوني ولاتضن بعدك يراحان
الدليلي اعتاب ويشخصك يراحان
وكته ولاتمد بيه القضيه
-----
الدهر كلبي ابغيابك حيل تلبيه
سجن والهم صبح مكشوف تلبيه
اليه وياك مطلب كون تلبيه
نكص ونقيس ونفصل الخويه
------
كصيره احبال خوتكم وبادت
ومنكم وضحت الشينه وبادت
جثيره الاكلت ابخيري وبادت
مصخ حتى الملح بهل الرديه
------
اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن علية
--------
ياظالم لاتهيج الروح ..خلها
عساها تموت من بعد فركاك ..خلها
لزم ايدي الطبيب وصحت ..خلها
المرض بالكلب جا شلك بدية
---------
كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية
---------
يادنيا على هموم البية ..حسي
وعن هامتي طبع الغدر ..حسي
ومن همي راح اصيح بعالي ..حسي
مضلوم وحبيبي الغدر بية
--------
تعال ومر على الحبوك ..مرة
وحياتي بعد فركاك ..مرة
تذكر من واعدتني وكلت ..مرة
ماعوفك لليوم المنية
-------
سحلني سحل دهري ..من رداني
وبعدك عني ولك ...مرداني
مرة بعيد عني ..ومرة داني
وبطرف عينك تحن علية
وحكمني الحزن بالصفنات----- وحداي
عكب عينك ترى ضليت ----- وحداي
مغيم والدمع يمطر عليه
-----
العتب وياك احس وكته تراحان
جفيت وماضن كلبك تراحان
الاخو يفزع طبع عنده تراحان
يشوف العوز مر ابيت اخيه
-------
اكربن ياصاح بغيابك يراحان
اعيوني ولاتضن بعدك يراحان
الدليلي اعتاب ويشخصك يراحان
وكته ولاتمد بيه القضيه
-----
الدهر كلبي ابغيابك حيل تلبيه
سجن والهم صبح مكشوف تلبيه
اليه وياك مطلب كون تلبيه
نكص ونقيس ونفصل الخويه
------
كصيره احبال خوتكم وبادت
ومنكم وضحت الشينه وبادت
جثيره الاكلت ابخيري وبادت
مصخ حتى الملح بهل الرديه
------
اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن علية
--------
ياظالم لاتهيج الروح ..خلها
عساها تموت من بعد فركاك ..خلها
لزم ايدي الطبيب وصحت ..خلها
المرض بالكلب جا شلك بدية
---------
كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية
---------
يادنيا على هموم البية ..حسي
وعن هامتي طبع الغدر ..حسي
ومن همي راح اصيح بعالي ..حسي
مضلوم وحبيبي الغدر بية
--------
تعال ومر على الحبوك ..مرة
وحياتي بعد فركاك ..مرة
تذكر من واعدتني وكلت ..مرة
ماعوفك لليوم المنية
-------
سحلني سحل دهري ..من رداني
وبعدك عني ولك ...مرداني
مرة بعيد عني ..ومرة داني
وبطرف عينك تحن علية
