السلام عليكم
قارورة شعر خاصه ارجوا من الاداره
التثبية ومن الاعضاء والزوار المشاركة
00000000
اعزائي اعضاء وزواء منتديات شباب الرافدين
يسعدني ان التقط من هنا وهناك اعذب الكرام واجمل القوافي
وارق المعاني من الشعر الشعبي في مجال اجمل الاوزان
1- الابوذيه 2- الزهيري 3- الومضه 4- الدارمي 5- القفشه
6 القصيده
واتشرف ان تشاركوني النشر
وذالك في خدمة الصالح العام
وشكرا
()()())()()()()()()()()()()
روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه
...............
قلبي مافرح عقـبك ولاسار
ولاجذمي ماخطى الغيرك ولاسار
أخبرك مابقت جـــلمه ولاسار
فضحني الدمع من غصـــبن عليه
..............
يشقر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه
.............
وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه
..........
أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه
..........
انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه
...........
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه
...........
حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه
..........
بعدني ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه
...............
ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه
............
علامات الكبر بـانت ولاحن
أوخويا المنكسر قلبه ولاحن
بعد ما أنشد عنــــهم ولاحن
ولاحن بعد بالمـــــــالي بيه
التعديل الأخير:
