جار الزمان وشب بالقلب تنور
وقت الخطا مدبر ولافيه حيله
دمعي تحدر من على الخد منثور
دايم على الخدين يجري مسيله
ابات ليلي بالمصيبات مقهور
ليال ذقت الضيم ماهي بليلة
من ضيم وقت هدم الدور وقصور
ومنكف على العالم بجيشه وخيله
ركب الرديف وحولوا راعي الكور
وقاموا يروونه نفوس ثقيلة
لوكان له فضل على الناس مشهور
خلوه يوم انكف عنهم حصيله
لوكان ينطح له بما فات طابور
اليوم مسكين وحاله نحيله
محدن يقول اعليت ياليث ماجور
وقت تغير دار دور بديله
لاعاد شان الوقت والحظ مدبور
الليث وندخ والقطو رزذيله
الهر يفرس من حمامة وعصفور
ماتشتهي نفسه لزوم يجي له
من اول عند المناعير محقور
واليوم له يمنى عليهم طويله
كم واحد حر كريم ومنعور
يفرح بوجه الضيف عينه خليله
صابه زمان به تعاكيس وكدور
في حالة عقب المعزة ذليلة
ياحيف طاح وخاطره ظل مكسور
ماله صحيب صافي يشتكي له
عند الملازم يرجع الشور للثور
يفصل وله ربع رضوا بالفصيله
والحر شوره لوحكى فيه بالخور
ماشوف منهم واحد يصطفي له
كم ليث باتع من ردى الحظ ماسور
من شاف حاله قال واعزتي له
يغلي بقلبي من ردى الوقت ويفور
هم بجاشي ليت ربي يزيله
يوم الردي قد فاه والطيب مثبور
ووقت الخطا ساعف نفوس رذيله
قالوا بعض ناس على الطيب خايور
الكدش حطت بالخيول الاصيله
يامن يبرزلي ظلامه من النور
وقت تغير والمساعي قليلة
لويرجع اللى قد مضى ندي نذور
ومن الفرح كل يبرد غليله
جار الزمان وشب بالقلب تنور
وقت الخطا مدبر ولافيه حيله.
وقت الخطا مدبر ولافيه حيله
دمعي تحدر من على الخد منثور
دايم على الخدين يجري مسيله
ابات ليلي بالمصيبات مقهور
ليال ذقت الضيم ماهي بليلة
من ضيم وقت هدم الدور وقصور
ومنكف على العالم بجيشه وخيله
ركب الرديف وحولوا راعي الكور
وقاموا يروونه نفوس ثقيلة
لوكان له فضل على الناس مشهور
خلوه يوم انكف عنهم حصيله
لوكان ينطح له بما فات طابور
اليوم مسكين وحاله نحيله
محدن يقول اعليت ياليث ماجور
وقت تغير دار دور بديله
لاعاد شان الوقت والحظ مدبور
الليث وندخ والقطو رزذيله
الهر يفرس من حمامة وعصفور
ماتشتهي نفسه لزوم يجي له
من اول عند المناعير محقور
واليوم له يمنى عليهم طويله
كم واحد حر كريم ومنعور
يفرح بوجه الضيف عينه خليله
صابه زمان به تعاكيس وكدور
في حالة عقب المعزة ذليلة
ياحيف طاح وخاطره ظل مكسور
ماله صحيب صافي يشتكي له
عند الملازم يرجع الشور للثور
يفصل وله ربع رضوا بالفصيله
والحر شوره لوحكى فيه بالخور
ماشوف منهم واحد يصطفي له
كم ليث باتع من ردى الحظ ماسور
من شاف حاله قال واعزتي له
يغلي بقلبي من ردى الوقت ويفور
هم بجاشي ليت ربي يزيله
يوم الردي قد فاه والطيب مثبور
ووقت الخطا ساعف نفوس رذيله
قالوا بعض ناس على الطيب خايور
الكدش حطت بالخيول الاصيله
يامن يبرزلي ظلامه من النور
وقت تغير والمساعي قليلة
لويرجع اللى قد مضى ندي نذور
ومن الفرح كل يبرد غليله
جار الزمان وشب بالقلب تنور
وقت الخطا مدبر ولافيه حيله.
