15 ) يوم موميز

[قارورة وفه]

بسمك نهتف يامهديهه يامهدينه هاي رجالك تسال يمته يهل هلالك وتعيش بكل عز بجالك بس كون تكوم وتنويهه​

* * * * *​

كوم وطالب اخذ بدينك بالشده وياك وعد عينك سيفك احنه واحنه يمينك وياك اليوم نصفيهه​

* * * * *​

أخذ بثار الزهره البضعه وكل باطل بمجانه توضعه والباطل للحك تخضعه وحكوكك الزهره تراعيهه​

* * * * *​

جدك حيدر مجتوف اليد للحكم يريدونه يايعيد عبد وعالسيد يتسيد ياقانون اللي يقربيهه​

* * * * *​

جدك متخضب بصوابه وبفكده ينحب محرابه والشمل تشتت بمصابه والشيعه تيتمت تدريهه​

* * * * *​

اخذ بثار المات بسمه واطلب يامهدينه بدمه تدري بجده شلون يشمه اول ريحانه لهاديهه​

* * * * *​

عن احداث الطف ارويلك بلسان العاينهه احجيلك يامهدينه ينهد حيلك لمصاب العيله وراعيهه​

* * * * *​

عاين هذا نصاب الاكبر بسيوف الاحقاد مطبر تكلول الهادي بدمه معفر كل اوصاف الجد حاويهه​

* * * * *​

والقاسم ابن الريحانه نايم جالورده الذبلانه وتروت روحه بايمانه من هذا المنبع يرويهه​

* * * * *​

عباس نكطعن جفينه نابت ظل السهم بعينه راح من حسين اللي يعينه راح الكافلهه وحاميهه​

* * * * *​

والرايه الظلت ملفوفه تسال شخصك يمته تشوفه لجفوفك ظلت ملهوفه تتنظر ترفع ساريهه​

* * * * *​

عبدالله شحجيلك عنه عاين وبدم جيده محنه طير ومذبوح يرف جنه ولروح حسين ماذيهه​

* * * * *​

عاينهه لزينب بفجيعه جتي بدمعه وعدهه وديعه روتهه بلحظه توديعه وفت كل دين العليهه​

* * * * *​

وحسين يودع أطفاله والتوديع اصعب كل حاله من طب ميدان الخياله عرفهم كصده يوعيهه​

* * * * *​

جدي طه وحيدر واله والناكر هم يصبح جاحد رد الكوم بجلمه حاقد بغض يحسين لداحيهه​

* * * * *​

حاربهم بايمانه وصبره ولدين الحكك ضحه بعمره وبحقد الخيل ترض صدره عالرمح الرووس معلكيهه​

* * * * *​

عاين للسجاد بعلته بس خدر واطفال بذمه وتباريهم ظلت عمته ترضه بهالعيله ماسريهه​

* * * * *​

بثاره لحيدر ينتظرك يامهدينه ليمته صبرك يمته تظهر يمته امرك والنار الشبت تطفيهه​

* * * * *​

شمع الصبر بناره ذايب يامهدينه بسك غايب بعد شتسمع من مصايب حته تكوملهه وتحميهه​

* * * * *​

 

ادري بضميري عدل معقوله انت المتت

مو كل باب ترهمله المفاتيح

[قارورة وفه]

عدلها
يبو صالح يثار الله وعدلها
دبدّد ضيمها وانشر عدلها
وإذا عادت لماضيها عِد لها
وخذ ثاراتكم من آل أُميّه
* * * *
بدارك
اقلوب الصبر تتنطّر بدارك
ونار الخيم ما زالت بدارك
وغير السيف ما شوفه بداركإلى ثاراتك ابيوم الغاضريه

 

[أمجد]

متباركين بالولادة الميمونة
احسنت​

 

[قارورة وفه]

مُتباشــــرين بعــــــيد مولدِ ســــيدٍ من آل أحمد أفضــــل الأعيادِ
القائـــــم المهــدي أكـــرم قائـــــمٍ بالحق أفضل ناطــــقٍ بالضـــــادِ
من أرض سامرا تشعشـــعَ نـوُره فامتدَّ مزدهــراً لسبـــــعِ شـــــدادِ
نـــورٌ لنـــور الله ممــــتدٌ إلى نور الوصيِّ لنور طه الهــــــادي
نورٌ أضاء الأرض وازدهرت به عند الصـباح مهامــــهٌ وبــــوادي
نورٌ تشعشع من جبــين مبشــــرٍ بالحق محبـــوبٍ لكـــــل فــــــؤاد
سبـــــط النـــبي محمــدٍ وسميـــــه والطيّب الآباء والأجدادِ
مولى لنصر الدين منتظــر ومـــــا بسواه يُرجى رفــعَ كلِّ فســـــــادِ
فهو الكفيلُ لنصـرة الـــدين الـــذي عُدِمَ النصيرُ ومالـــه من فـــــادِ
فالله أكـبرُ قــــوة وهــــي التـــــي لم تبق من طاغٍ ولا من عــــــــادِ
هي في وليِّ الأمرِ قامت فهــو لا يخشى قوى الشيطان يوم جهــــادِ
وبه العروش تخرُّ حتى لا ترى عرشاً لضلاّلٍ ولا أوغاد
وهناك تزدهرُ الفضيلة والهدى أودى بكلِّ تناحرٍ وعــــــــــوادِ
بالعدل تمتلئُ البسيطةُ بعدمــــا مُلئت بظلمٍ صارخٍ ونكـــــــادِ

 

[قارورة وفه]

يا سليل النبي الهادي بسمك الوادم تنادي
شارت اعليك الأيادي وانته فرحتنه وأملنه
خفك طير الأمل جنحه وحلّت اعله الناس فرحه
انته شمس الوفه وصبحه واحنه بهواك اتصلنه
هيبتك هيبة محمد إسمك وإسمه توحد
بيك درب الحك تعبّد مولدك وحَّد شملنه
إلك يا بدر الأماني نحمل ازهار التهاني
إنته طاووس المعاني وبيك يالمهدي انشغلنه
كل جفن هالليله يسهر والحفل بسمك تنور
اجعلكم المعبود جوهر واحنه شيعتكم جعلنا

 

[قارورة وفه]

الليلة الفرح بالافراح شعبان
وتم وكمل بخمسطعش شعبان
بالقرآن درب العدل شعبان
لِعباده وحب أهل سيد البريه
أبو ظاهر الطويرجاوي
الحجّة انولد واصبح هل علينه
ابخير وفرح صرنه هل علينه
مثل البدر نوره هل علينه
وضوه وجهه يشع اعله البريّه

 

[قارورة وفه]

وسفة للدجالة طخّت روســــنه

عگب ما چانت تشع اشموســـنه

------

وسفة كل الوسفة هذا الــتالي

نغرگ أبگيش ونتيه الــچالي

وما نعرَف الممتلي من الخــالي

وشبچت اعلينة الحصص ودروسنه

--------

شِبچت وصار الاصيل اوية الطـــبع

وخذ حصته الواوى من هذا الوضع

وشاخ من غصبن علينة اعلى السبع

وصِرنة بيدة ابكيفة يمتة ايدوســـنه

-------

صرنة كلمة خطأ زلام تنمســــــح

واحنة مثل الطير مكسور الجــنح

يلم جِنحه بسكتة خايف ينفـــضح

وضلَّت الطيره أمل بنفوســـــــنه

------

أمل هذا ومو فعل بس بالحـــــچي

وبس نسطّر عالكراسي وننتچــي

ما بدينة غير تنديد وبـــــــــــچي

انخاف من الجار خاف ايحوسنه

--------

لايحوس الدنيا ويضيع الفــــــرص

وهوه رازقنة ويقسم النه الحصص

هيچي وياه ماشية ابماي الگصص

وفوگ كل هذا اشترى ناموســـنه

-------

سلعة صرنة ايبيع بينا ويشــــتري

دنّه ليه العسل واحنه النه الشـَري

وعفنة دين الله وتبعنة الــسامري

وعالكليم احنة نوجه قوســــــنه

-------

على المنة وبينة جلادة نِــــــــــصير

وعالغريب اتشوف ما خذنة الشخير

نرتعب منه ويخوفنة الصـــــــــفير

وبوجة اخوتنه نحِد أضروســــــنه

--------

نبتت أضروس الجهالة أبگاعــنه

وقبلت أبذلة تعيش اســـــــــباعنه

گوم يا مهدينة شوف اوضـــاعنه

ابگلب دين الهادي نبتت فوسـنه

--------

گوم بين اذيابه دينك منــــــحصر

حاير او لاراي عنده او لا بُــصر

بالجزائر طاح وانگاد المـــــصر

وصار فرجة امن انذبح بالبوسنه

--------

فرجة صار الدين والكون انگلب

وهذا عار وعلى كل گصة انكتب

عجب يالحجة نراويك العــــــجب

نطفي شمس الله و نوج فانوسنه

---------

عگب ما چنه على الدنيا شــــمس

ضوّت الصين وضواحي الاندلس

هذا تاليهه انفقد حتى الــــــــقدس

وضاع چحي الاصل من قاموسنه

---------

ضاع حچي الحق بعد ما ينسمع

صرنه تجار او ندّور عالنــــفع

بس نهيس نقداً ايصير الدفــــع

انبيع بيت الله ونزود أفلوســنه

--------​