سكوتك هذا وي الموت ناصفلي

[قارورة وفه]

أحب اسمع سوالف منك اهوايه
بس أنت بخيل وماتسولفلي
وأحب أگد وامشي وياك ليل نهار
بس أنت أشوفك ما توالفلي
وي غيري أشوفك بلبل الفتان
وبس وياي وگفت بومه واگفلي
شنهو ألصار شنهو ألغيرك گلي
موانت الچنت دمعات تذرفلي
موانت الچنت كل ساعة رايح جاي
وتتوسل تريد احچايه ياطفلي
موانت الچنت سهران طول الليل
ولوبسمك أصيح ازحوف تزحفلي
بدر تقصير مني بعشرتي وياك
انطيني سبب بس لا تحرفلي
لاگيلك ولف ثاني وتريد تروح
احچيلي بصراحه وبس لتحلفلي
گول شماتريد اتگول زين وشين
اقبل لوحچي مخربط تالفلي
مليته السكوتك كافي يبن الناس
سكوتك هذا وي الموت ناصفلي
هذا أخر كلامي وياك دسمعني
راح أعلن سكوتي هواي اشرفلي
**
بقلمي​

 

قصيده من ارشيف قصائدي (مولوديه)

مثل يعقوب لمن حصل ألبشره

[OZARK]

مليته السكوتك كافي يبن الناس
سكوتك هذا وي الموت ناصفلي
رائئئئئئئئئئئئئئئئئئئئئئئئئع
جهود ثمينة
وموضوع قمة اللطف

 

[أمجد]

عاشت ايدك ..

 

[قطر الندى ♥]

وي غيري أشوفك بلبل الفتان
وبس وياي وگفت بومه واگفلي

الله حلوة جدا
دام يراعك اخي ~

 

[ألامل البعيد]

رووووعه ,,
سلمت على طرحك واختيارك الرائع
يعطيك الف عاافيه
واصل في نبض قلمك
دمت بخير